ಹೂವ ತರುವರ ಮನೆಗೆ ಹುಲ್ಲ ತರುವೆ neleyadikeshava HOOVA TARUVARA MANEGE HULLA TARUVE

Audio by Mrs. Nandini Sripad

ಶ್ರೀ ಕನಕದಾಸರ ಕೃತಿ 

 ರಾಗ ಮುಖಾರಿ       ಖಂಡಛಾಪುತಾಳ 

ಹೂವ ತರುವರ ಮನೆಗೆ ಹುಲ್ಲ ತರುವೆ ॥ ಪ ॥

ಆವ ಪರಿಯಲಿ ಕಾಯೋ ದೇವ ಚಿನ್ಮಯನೆ ॥ ಅ ಪ ॥

ಈರೇಳು ಜನುಮದಿಂ ದಾಸನಾಗಿಹೆ ನಾನು ।

ಸೇರಿದೆನೊ ತವ ಶರಣರ ಸೇವೆಗೆ ॥

ಘೋರ ದುರಿತಗಳೆಂಬ ವಾರಿಧಿಯ ಬತ್ತಿಸಿ ।

ನಾರಸಿಂಹನೆ ಕಾಯೊ ನಮ್ಮ ಕುಲಸ್ವಾಮಿ ॥ 1 ॥

ರಂಗನಾಥನೆ ನಿನ್ನ ಡಿಂಗರಿಗನೋ ನಾನು ।

ಡಂಗುರವ ಹೊಯಿಸಯ್ಯ ದಾಸನೆಂದು ॥

ಭಂಗಪಡಿಸದೆ ನೀನು ಶರಣರೊಳಗಿಂಬಿಟ್ಟು ।

ಗಂಗೆಜನಕನೆ ಕಾಯೊ ಚರಣಕ್ಕೆ ಶರಣು ॥ 2 ॥

ಎಷ್ಟು ಮಾಡಲು ನಿನ್ನ ಬಂಟನೋ ವೈಷ್ಣವರ ।

ಹುಟ್ಟು ದಾಸಿಯ ಮಗನೋ ಪರದೇಶಿಯೋ ॥

ಸೃಷ್ಟಿಗೊಡೆಯನೆ ನೆಲೆಯಾದಿಕೇಶವನೆ ಕೈ - ।

ಬಿಟ್ಟೆಯಾದರೆ ನಿನಗೆ ಹರಿದಾಸರಾಣೆ ॥ 3 ॥

*******

ಶ್ರೀ ಕನಕದಾಸರ ಕೃತಿ 

 ರಾಗ ಮುಖಾರಿ       ಖಂಡಛಾಪುತಾಳ 

ಹೂವ ತರುವರ ಮನೆಗೆ ಹುಲ್ಲ ತರುವೆ ॥ ಪ ॥
ಆವ ಪರಿಯಲಿ ಕಾಯೋ ದೇವ ಚಿನ್ಮಯನೆ ॥ ಅ ಪ ॥

ಈರೇಳು ಜನುಮದಿಂ ದಾಸನಾಗಿಹೆ ನಾನು ।
ಸೇರಿದೆನೊ ತವ ಶರಣರ ಸೇವೆಗೆ ॥
ಘೋರ ದುರಿತಗಳೆಂಬ ವಾರಿಧಿಯ ಬತ್ತಿಸಿ ।
ನಾರಸಿಂಹನೆ ಕಾಯೊ ನಮ್ಮ ಕುಲಸ್ವಾಮಿ ॥ 1 ॥

ರಂಗನಾಥನೆ ನಿನ್ನ ಡಿಂಗರಿಗನೋ ನಾನು ।
ಡಂಗುರವ ಹೊಯಿಸಯ್ಯ ದಾಸನೆಂದು ॥
ಭಂಗಪಡಿಸದೆ ನೀನು ಶರಣರೊಳಗಿಂಬಿಟ್ಟು ।
ಗಂಗೆಜನಕನೆ ಕಾಯೊ ಚರಣಕ್ಕೆ ಶರಣು ॥ 2 ॥

ಎಷ್ಟು ಮಾಡಲು ನಿನ್ನ ಬಂಟನೋ ವೈಷ್ಣವರ ।
ಹುಟ್ಟು ದಾಸಿಯ ಮಗನೋ ಪರದೇಶಿಯೋ ॥
ಸೃಷ್ಟಿಗೊಡೆಯನೆ ನೆಲೆಯಾದಿಕೇಶವನೆ ಕೈ - ।
ಬಿಟ್ಟೆಯಾದರೆ ನಿನಗೆ ಹರಿದಾಸರಾಣೆ ॥ 3 ॥
********