ಯಾತರ ಭಯ ಶ್ರೀನಾಥನ ಪರಮ ಪ್ರೀತಿಯ ankita jagannatha vittala YAATARA BHAYA SRINATHANA PARAMA PREETIYA

ರಾಗ ಜಂಜೂಟಿ     ಆದಿತಾಳ 

2nd Audio by Mrs. Nandini Sripad

ಶ್ರೀ ಜಗನ್ನಾಥದಾಸರ ಕೃತಿ 


ಯಾತರ ಭಯ ಶ್ರೀನಾಥನ ಪರಮ ಸು -
ಪ್ರೀತಿಯ ಪಡೆದವಗೆ ॥ ಪ ॥
ಕಾತರ ಪಡದಲೆ ಪಾತಕಹರ ವಿಧಿ 
ತಾತನೆ ನಿಜಸುಖದಾತನೆಂದರಿತವಗ್ಯಾ ॥ ಅ.ಪ ॥

ಬಂಧು ಜನರು ತನಗೊಂದಿಸಿ ನುಡಿಯಲು ಬಂದ ಭಾಗ್ಯವೇನೊ
ಹಿಂದೆ ಮುಂದೆ ತನ್ನ ನಿಂದಿಸಿ ನುಡಿಯಲು ಕುಂದಾದದ್ದೇನೊ
ಮಂದರಧರ ಗೋವಿಂದನ ಮಾನಸ
ಮಂದಿರದಲಿ ತಂದಿಟ್ಟಿರುವವಗಿನ್ಯಾ ॥ 1 ॥

ದುಸುಮುಸುಗುಟ್ಟುವ ಸತಿಸುತರಿಂದಲಿ ಹಸಗೆಟ್ಟದ್ದೇನೋ
ಅಶನಾಚ್ಛಾದನ ತರಲಿಲ್ಲವೆಂದು ವ್ಯಸನಪಟ್ಟರೇನೊ
ಕುಸುಮನಾಭ ಸುಮನಸರೊಂದಿತ ಪದ
ವಸುದೇವನ ಸುತನೊಶದಲ್ಲಿರುವವಗ್ಯಾ ॥ 2 ॥

ಘಾಸಿಯಿಂದಲಾಯಾಸ ಪಡುತ ಅವಾಸದೊಳಿದ್ದೇನೋ
ಕಾಶಿ ಕಂಚಿ ಕಾಳಹಸ್ತಿ ಮೊದಲ ಪರ ದೇಶ ತಿರುಗಲೇನೋ
ಈಶಾಧೀಶ ಜಗನ್ನಾಥವಿಠ್ಠಲನ 
ದಾಸನೆಂದು ಸಂತೋಷದಲ್ಲಿರುವವಗ್ಯಾ ॥ 3 ॥
***

pallavi

yAtara bhaya shrInAthana parama prItiya paDedavage

anupallavi

kAtaragoLadale pAtakahara vidhi tAtane nija sukha dAtanendaritage

caraNam 1

dushu mushu guTTuva shashimukha indali hasageTTeddEnO

ahanAcchAdana taralillavenutali vyasana padUdEO

kusumanAbha sumanasa vanditapada vasudEvana sutanoshadoLa giruvage

caraNam 2

bandhujanaru tanagondisi dAkSaNa banda bhAgyavEnO

hinde munde tanna nindisi nuDiyalu kundAdaddEnO

manadaradhara gOvindana mAnasa mandiradoLu tandiTTiruuvavage

caraNam 3

kAnci kanci hastiyE modalAda dEsha tirugalEnO

ghAsiyinda AyAsa paDuta AvAsadoLiralEnO

IshadhiSha jagannAtha viThalanna dAsanenisi santOSaoLiruvAgE

***

ರಾಗ ಜಂಜೂಟಿ (ಭೈರವಿ) ಆದಿತಾಳ(ಕಹರವಾ)

ಯಾತರ ಭಯ ಶ್ರೀನಾಥನ ಪರಮ-
ಪ್ರೀತಿಯ ಪಡೆದವಗೆ ||ಪ||
ಕಾತರಗೊಳದಲೆ ಪಾತಕಹರವಿಧಿ-
ತಾತನೆ ನಿಜಸುಖದಾತನೆಂದರಿತಗೆ|| ಅ.ಪ||

ದುಸುಮುಸುಗುಟ್ಟುವ ಶಶಿಮುಖಿಯಿಂದಲಿ
ಹಸಗೆಟ್ಟಿದ್ದೇನೋ
ಅಶನಾಚ್ಛಾದನ ತರಲಿಲ್ಲವೆನುತಲಿ
ವ್ಯಸನ ಪಡುವುದೇನೋ
ಕುಸುಮನಾಭ ಸುಮನಸ ವಂದಿತ ಪದ
ವಸುದೇವನ ಸುತನೊಶದೊಳಗಿರುವಗೆ ||೧||

ಬಂಧುಜನರು ತನಗೊಂದಿಸಿದಾಕ್ಷಣ
ಬಂದ ಭಾಗ್ಯವೇನೊ
ಹಿಂದೆ ಮುಂದೆ ತನ್ನ ನಿಂದಿಸಿ ನುಡಿಯಲು
ಕುಂದಾದದ್ದೇನೊ
ಮಂದರಧರ ಗೋವಿಂದನ ಮಾನಸ-
ಮಂದಿರದೊಳು ತಂದಿಟ್ಟಿರುವವಗೆ ||೨||

ಕಾಶಿ ಕಂಚಿ ಕಾಳಹಸ್ತಿಯೆ ಮೊದಲಾದ
ದೇಶ ತಿರುಗಲೇನೊ
ಘಾಸಿಯಿಂದ ಆಯಾಸಪಡುತ ಆ-
ವಾಸದೊಳಿರಲೇನೊ
ಈಶಧೀಶ ಜಗನ್ನಾಥವಿಠ್ಠಲನ
ದಾಸನೆನಿಸಿ ಸಂತೋಷದೊಳಿರುವವಗೆ ||೩||
**********