ಸುಮ್ಮನೆ ಬರುವುದೆ ಮುಕ್ತಿ ನಮ್ಮ ಅಚ್ಯುತಾ purandara vittala SUMMANE BARUVUDE MUKTI NAMMA ACHYUTA

ಸುಮ್ಮನೆ ಬರುವದೆ ಮುಕ್ತಿ ||ಪ||

ನಮ್ಮ ಅಚ್ಯುತಾನಂತನ ನೆನೆಯದೆ ಭಕ್ತಿ ||ಅ.ಪ||

ಮನದಲ್ಲಿ ದೃಢವಿರಬೇಕು, ಪಾಪಿ
ಜನರ ಸಂಸರ್ಗವ ನೀಗಲುಬೇಕು
ಅನುಮಾನವನು ಬಿಡಬೇಕು, ತನ್ನ
ತನು ಮನಧನವನೊಪ್ಪಿಸಿಕೊಡಬೇಕು

ಕಾಮಕ್ರೋಧವ ಬಿಡಬೇಕು, ಪರ-
ಕಾಮಿನಿಯರ ಹಂಬಲ ಬಿಡಬೇಕು
ಹೇಮದಾಸೆಯ ಸುಡಬೇಕು, ಹರಿ-
ನಾಮ ಸಂಕೀರ್ತನೆಯನು ಮಾಡಬೇಕು

ಸಂದಣಿಗಳ ಬಿಡಬೇಕು, ದೇಹ
ಬಂಧುಬಾಂಧವರ ಸ್ನೇಹವ ಬಿಡಬೇಕು
ನಿಂದಿಸಿದರೆ ಹಿಗ್ಗಬೇಕು, ಕೋಪ
ಬಂದಾಗ ಸೈರಣೆ ಬಿಡದಿರಬೇಕು

ಹರಿಯೇ ಗುರುವೆನ್ನಬೇಕು, ಶ್ರೀ-
ಹರಿಯೇ ಪರದೈವವೆಂತೆನ್ನಬೇಕು
ಪರವಸ್ತು ಒಲ್ಲೆನಬೇಕು, ದೇಹ
ಸ್ಥಿರವಲ್ಲವೆಂತೆಂದು ತಿಳಿಯಲುಬೇಕು

ವ್ಯಾಪಾರವನು ಬಿಡಬೇಕು, ನಮ್ಮ
ಶ್ರೀಪತಿ ಪುರಂದರವಿಠಲೆನ್ನ ಬೇಕು
ಪಾಪರಹಿತನಾಗಬೇಕು, ಜ್ಞಾನ
ದೀಪದ ಬೆಳಕಿಲಿ ಓಡಾಡಬೇಕು
***

ರಾಗ ಆನಂದಭೈರವಿ ಅಟ ತಾಳ (raga, taala may differ in audio)

pallavi

summane baruvade mukti

anupallavi

namma acyutAnantana neneyade bhakti

caraNam 1

manadalli drDhavirabEku pApi janara samsargava nIgalu bEku

anumAnavanu biDa bEku tanna tanu manadhanavanoppisi koDa bEku

caraNam 2

kAma krOdhava biDa bEku para kAminiyara hambala biDa bEku

hEmadAseya suDa bEku hari nAma sankIrtaneyanu mADa bEku

caraNam 3

sandaNigaLa biDabEku dEha bandhu bAndhavara snEhava biDa bEku

nindisidare higga bEku kOpa bandAga smaraNe biDadira bEku

caraNam 4

hariyE guruvenna bEku shrI hariyE para daivataventenna bEku

paravastu ollene bEku dEha sthiravallaventendu tiLiyalu bEku

caraNam 5

vyApAravanu biDa bEku namma shrIpati purandara viTTalenna bEku

pApa rahitanAga bEku jnAna dIpada beLagili ODADa bEku

***

ರಾಗ: ಆನಂದಭೈರವಿ      ತಾಳ: ಆಟ

ಸುಮ್ಮನೆ ಬರುವುದೆ ಮುಕ್ತಿ

ನಮ್ಮ ಅಚ್ಯುತಾನಂತನ ನೆನೆಯದೆ ಭಕ್ತಿ || ಪ ||

ಮನದಲ್ಲಿ ದೃಢವಿರಬೇಕು ಪಾಪಿ

ಜನರ ಸಂಸರ್ಗವ ನೀಗಲಿ ಬೇಕು

ಅನುಮಾನವನು ಬಿಡಬೇಕು ತನ್ನ

ತನುಮನ ಧನವನೊಪ್ಪಿಸಿ ಕೊಡಬೇಕು || ೧ ||

ಕಾಮಕ್ರೋಧವ ಬಿಡಬೇಕು ಪರ

ಕಾಮಿನಿಯರ ಹಂಬಲ ಬಿಡಬೇಕು

ಹೇಮದಾಸೆಯ ಸುಡಬೇಕು ಹರಿ

ನಾಮ ಸಂಕೀರ್ತನೆಯನು ಮಾಡಬೇಕು || ೨ ||

ಸಂದಣಿಗಳ ಬಿಡಬೇಕು ದೇಹ

ಬಂಧುಬಾಂಧವರ ಸ್ನೇಹವ ಬಿಡಬೇಕು

ನಿಂದಿಸಿದರೆ ಹಿಗ್ಗಬೇಕು ಕೋಪ

ಬಂದಾಗ ಸೈರಣೆ ಬಿಡದಿರಬೇಕು || ೩ ||

ಹರಿಯೆ ಗುರುವೆನ್ನಬೇಕು ಶ್ರೀ

ಹರಿಯೆ ಪರದೈವವೆಂತೆನ್ನಬೇಕು

ಪರವಸ್ತು ಒಲ್ಲೆನಬೇಕು ದೇಹ

ಸ್ಥಿರವಲ್ಲವೆಂತೆಂದು ತಿಳಿಯಲು ಬೇಕು || ೪ ||

ವ್ಯಾಪಾರವನು ಬಿಡಬೇಕು ನಮ್ಮ

ಶ್ರೀಪತಿ ಪುರಂದರವಿಠಲೆನ್ನಬೇಕು

ಪಾಪರಹಿತನಾಗಬೇಕು ಜ್ಞಾನ

ದೀಪದಿ ಬೆಳಕಿನಲಿ ಓಡಾಡಬೇಕು || ೫ ||

***

ರಾಗ ಧನ್ಯಾಸಿ ಅಷ್ಟತಾಳ

ಸುಮ್ಮನೆ ಬಾಹೋದೆ ಮುಕ್ತಿ ||ಪ||

ಮನದಲ್ಲಿ ದೃಢವಿರಬೇಕು , ಕೋಪ

ಮನದ ಸಂಸಾರವ ನೀಡಾಡಬೇಕು

ಅನುಮಾನವನು ಬಿಡಬೇಕು, ತನ್ನ

ತನುವನ್ನು ಧರ್ಮಕೊಪ್ಪಿಸಿ ಕೊಡಬೇಕು ||೧||

ಪಾಪಿ ಕೋಪವ ಬಿಡಬೇಕು , ಅಲ್ಲಿ

ಗೋಪಾಲ ಕೃಷ್ಣನ್ನ ಪೂಜಿಸಬೇಕು

ತಾಪರಹಿತನಾಗಬೇಕು ತನ್ನ

ಪಾಪವನು ಕಳೆವ ಗುರುವ ನಂಬಬೇಕು ||೨||

ಶರೀರದಾಸೆಯ ಬಿಡಬೇಕು ತನ್ನ

ಶರೀರ ಅನಿತ್ಯ ಎನಲುಬೇಕು

ಪರದ ಇಷ್ಟಾರ್ಥಗಳು ಬೇಕು , ಹರಿ-

ಪುರಂದರ ವಿಠ್ಠಲನ್ನ ನಂಬಲು ಬೇಕು ||೩||

***