ಯುಗ ಯುಗಾದಿ ಕಳೆದರೂ ಯುಗಾದಿ ಮರಳಿ YUGA YUGAADI KALEDAROO YUGADI MARALI

 

written by ದ ರಾ ಬೇಂದ್ರೆ

ಯುಗ ಯುಗಾದಿ ಕಳೆದರೂ

ಯುಗಾದಿ ಮರಳಿ ಬರುತಿದೆ

ಹೊಸ ವರುಷಕೆ ಹೊಸ ಹರುಷವ

ಹೊಸತು ಹೊಸತು ತರುತಿದೆ.

                    ಹೊಂಗೆ ಹೂವ ತೊಂಗಳಲಿ,

                    ಭೃಂಗದ ಸಂಗೀತ ಕೇಳಿ

                    ಮತ್ತೆ ಕೇಳ ಬರುತಿದೆ.

                    ಬೇವಿನ ಕಹಿ ಬಾಳಿನಲಿ

                    ಹೂವಿನ ನಸುಗಂಪು ಸೂಸಿ

                    ಜೀವಕಳೆಯ ತರುತಿದೆ.

ವರುಷಕೊಂದು ಹೊಸತು ಜನ್ಮ,

ಹರುಷಕೊಂದು ಹೊಸತು ನೆಲೆಯು

ಅಖಿಲ ಜೀವಜಾತಕೆ.

ಒಂದೇ ಒಂದು ಜನ್ಮದಲಿ

ಒಂದೇ ಬಾಲ್ಯ, ಒಂದೇ ಹರೆಯ

ನಮಗದಷ್ಟೇ ಏತಕೋ.

                    ನಿದ್ದೆಗೊಮ್ಮೆ ನಿತ್ಯ ಮರಣ,

                    ಎದ್ದ ಸಲ ನವೀನ ಜನನ,

                    ನಮಗೆ ಏಕೆ ಬಾರದು?

                    ಎಲೆ ಸನತ್ಕುಮಾರ ದೇವ,

                    ಎಲೆ ಸಾಹಸಿ ಚಿರಂಜೀವ,

                    ನಿನಗೆ ಲೀಲೆ ಸೇರದೂ.

ಯುಗ ಯುಗಗಳು ಕಳೆದರೂ

ಯುಗಾದಿ ಮರಳಿ ಬರುತಿದೆ.

ಹೊಸ ವರುಷಕೆ ಹೊಸ ಹರುಷವ

ಹೊಸತು ಹೊಸತು ತರುತಿದೆ.

               - ಅಂಬಿಕಾತನಯದತ್ತ

***

-Da.Ra. Bendre - ಕಾವ್ಯನಾಮ ಅಂಬಿಕಾತನಯದತ್ತ

yuga yugAdi kaLedaru yugAdi maraLi barutide

hosa varushake hosa harushava hosetu hosetu tarutide||

honge hoova tongaLali bhrungada sangeetha kELi

matte kELa barutide

bevina kahi bALinalli hoovina nasugampu soosi

jeeva kaLeya tarutide

varushakondu hosatu janma harushakondu hosathu neleyu

aKhila jeeva-jAtake

ondE ondu janmadalli ondE bAlya ondE haraya

namagadashTe yEtako?

niddegomme nitya maraNa yedda sAla navina janana

namage yEke bArado?

ele sanath-kumAra-deva ele sAhasi chiranjeeva

ninage leele sErado

***