ರಂಗನ ಪಾಡಿರೈ ಮಾನವ ಸಿಂಗನ ಪಾಡಿರೈ ankita shyamasundara

 ..

ರಂಗನ ಪಾಡಿರೈ | ಮಾನವ ಸಿಂಗನ ಪಾಡಿರೈ ಪ

ಇಂಗಡಲಜೆಪತಿ | ಮಂಗಳ ಚರಿತ ಭು

ಜಂಗಶಾಯಿ ಶುಭಾಂಗ ಅ.ಪ

ವಸುಗರ್ಭಾದಿಗಳ ಮೊರೆಯನು |

ಲಾಲಿಸಿ ದೇವ | ಮಹಾನುಭಾವ |

ವಸುದೇವನ ಸತಿಯುದರದೊಳು

ಅವತರಿಸಿದನು ಅಸುರಾಂತಕ |

ಹಸುಗಳ ಸಲುಹಿದ ಕುಸುಮನಯನ

ಪ್ರೇಮದಲಿ ಗೋಕುಲದಲ್ಲಿ |

ಶಿಶುಪಾಲಾದಿಗಳಸುನೀಗಿದ ಯದು ನಾಥ | ವಿಧಿ ಕುಲ ಜಾತ 1

ತಂದೆ ತಾಯ್ಗಳ ಬಂಧನ ಬಿಡಿಸಿದ ಧೀರ | ಭಕ್ತಮಂದಾರ |

ಒಂದೆ ಬೆರಳಲಿ ಗೋವರ್ಧನ ಶೈಲವನು | ತಾ ಧರಿಸಿದನು

ವೃಂದಾರಕ ಪತಿಗೊದಗಿದÀ

ಮದವನು ಮುರಿದ | ಮೋದವಗರೆವ

ಸಿಂಧುಶಯನ ತನಗ್ಹೊಂದಿದ

ಶರಣರ ಕರವ | ಕರುಣದಿ ಪಿಡಿವ 2

ನಾಮವೇದ್ಯ ಬಲರಾಮನನುಜ ಹರಿ | ಶ್ವೇತ ವಾಹನ ಸೂತ

ಕಾಮಜನಕ ಸತ್ಯಭಾಮೆ ರಮಣ ಗೋಪಾಲ | ಸ್ವಾಮಿ ಕುಲಾಲ

ಭೀಮಗೊಲಿದ ನಿಸ್ಸೀಮ ಮಹಿಮಾ ಶ್ರೀ ಗೌರಿ | ಮಾತುಳವೈರಿ

ಹೇಮಾಂಬರಧರ ಶಾಮಸುಂದರ ವಿಠಲ | ಧೃತವನಮಾಲ3

***