ಕೊಡಬಾರದೇನೈಯ್ಯಾ ದೃಢ ಭಕುತಿಯಾ ankita pradyumna vittala

 ರಾಗ -  :  ತಾಳ - 

ಕೊಡಬಾರದೇನೈಯ್ಯಾ ದೃಢ ಭಕುತಿಯಾ l

ಕೊಡಬಾರದೆಂಬೋದಿದುದಾವ ನ್ಯಾಯಾ ll ಪ ll

ಹಿಂದೆ ಅತಿರಥರು ಮಹಾರಥರು ನಿಮ್ಮನು ಪೊಂದ್ಯಾ l

ನಂದ ಪದವಿಯನವರು ಐದಲಿಲ್ಲೆ l

ಇಂದು ಎನ್ನನು ಹಾಗೆ ಕರುಣದಲಿ ಮುಕ್ತಿ ಪಥ l

ಪೊಂದುವಂದದಿ ಮಾಡೊ ಇಂದಿರೇಶ ಸಿರಿ ಕೃಷ್ಣಾ ll 1 ll

ತಾ ತಾಯೆಂದರೆ ವರವ ಕೊಕೊ ಯನುತಲಿ ಕೊಟ್ಟಾ l

ನಾಥರಕ್ಷಕನೆಂಬೋದದು ಮಿಥ್ಯವೆ l

ಭೂತಳದಿ ಬಡಭಕ್ತ ಆತೂಕೊಂಡಿಹ್ಯೆ ಜಲ್ಮ l

ಸಾರ್ಥಕವಮಾಡೊ ಸರುವೋತ್ತಮ ಶ್ರೀ ಕೃಷ್ಣ ll 2 ll

ನಾರಾಯಣನೆಂಬೊ ನಾಲ್ಕಕ್ಷರದಲಿ ಅವರು l

ಸೂರೆಗೊಳ್ಳಲಿಲ್ಲವೆ ಸ್ವರ್ಗವನ್ನೂ l

ಈ ರೀತಿಯಲ್ಲಿ ಯನಗೆ ಸಾರಥಿ ನೀಯಾಗಿ ಮುಂದೆ l

ಪಾರುಗಾಣಿಸಿ ಪೊರೆಯೊ ಪ್ರದ್ಯುಮ್ನವಿಟ್ಠಲಾ ll 3 ll

***