ಇಂಥಾ ಮದಕದ ಬಾಲೆಯನಾಳುವರೆಂಥ ಧನ್ಯರೆ ankita ramesha

ಇಂಥ ಮದಕದ ಬಾಲೆಯನಾಳುವರೆಂಥ ಧನ್ಯರೆ

ಆಗಿನ್ನೆಂಥ ಕವತುಕ ಕಂಡೆ ಅಮ್ಮಿನ ಎಂಥ ಅಂಜಿದೆವೆ ಪ.

ಉತ್ತಮಳು ದ್ರೌಪತಿ ಎಂದು

ಮತ್ತೆ ಎರಗಲು ಹೋದೆನಮ್ಮ

ಹತ್ತು ಪಾದ ಕಂಡು

ಕಣ್ಣು ಕತ್ತಲೆ ಹೊಯ್ದಾವೆ ಅಮ್ಮಿನ 1

ಪಂಚಭಕ್ಷ ಪರಮಾನ್ನವನು

ಪಾಂಚಾಲಿ ಉಣಬಡಿಸಿದಳೆನಗೆ

ಪಂಚ ಹಸ್ತ ಕಂಡು

ಮನದಲೆ ಚಂಚಲಗೈಯ್ದೆನೆ 2

ಅತ್ಯಂತ ಪ್ರೇಮದಲಿ ದ್ರೌಪತಿ

ವಸ್ತ್ರವೀಳ್ಯ ಕೊಟ್ಟಾಳೆನಗೆ

ಹತ್ತು ಹಸ್ತ ಕಂಡು

ಮೈಯ ಮರೆತೆನೆ ನಾನು 3

ಬಾರಿ ಬಾರಿಗೆ ಬೆದರಿಬೆಚ್ಚಿ

ನಾರಿಯ ನೋಡಿದೆನೆ ನಾನು

ಸೂರ್ಯನಂತೆ ಹೊಳೆವೊ

ಐದುಮಾರಿ ಕಂಡೆನೆ4

ಕೀರುತಿವಂತÀಳ ಮುಂದೆ

ವಾರ್ತೆಯ ಹೇಳುತಲಿದ್ದೆ

ಮಾರುತನ ರಾಣಿ

ಭಾರತಿಯು ಆದಳೆ ಅಮ್ಮಿನ್ 5

ಶುಚಿರ್ಭೂತ ಗೌರಿಯ ಕಂಡು

ವಚನ ಪೇಳುತ ನಿಂತೆನಮ್ಮ

ರುಚಿರರೂಪ ಅಡಗಿ ಆಗ

ಶಚಿಯು ಆದಳೆ ಆಮ್ಮಿನ್ 6

ಇಂದ್ರನರಸಿ ಅಡಗಿ ಶ್ಯಾಮಲೆ

ಬಂದು ನಿಂತಾಳಮ್ಮ ಕ್ಷಣದಿ

ಎಂದೂ ಕಾಣದ ಸೋಜಿಗ

ಒಂದೊಂದು ಕಂಡೆನೆ ಅಮ್ಮಿನ್7

ನಿಂತ ಶ್ಯಾಮಲೆ ಅಡಗಿ ಉಷೆಯು

ಎಂಥ ಬೆಳಕನೆ ತೋರಿಸಿದಳಮ್ಮ

ಇಂಥ ಬೆಡಗು ರಾಮೇಶನ

ಕಾಂತೆ ಕೇಳಮ್ಮ ಅಮ್ಮಿನ್8

****