ಸೋದಾಕ್ಷೇತ್ರವೆ ದಿವ್ಯ ಕ್ಷೇತ್ರ ಬಂದ ಜನರಿಗಿಷ್ಟವನೀವ ಕ್ಷೇತ್ರ ankita rajesha hayamukha

 ..

kruti by ವಿಶ್ವೇಂದ್ರತೀರ್ಥರು vishwendra teertharu sode mutt

ಸೋದಾಕ್ಷೇತ್ರವೆ ದಿವ್ಯ ಕ್ಷೇತ್ರ

ಬಂದ ಜನರಿಗಿಷ್ಟವನೀವ ಕ್ಷೇತ್ರ

ವಾದಿರಾಜರು ವಾದದಿಂದ ವಾದಿಸಿ

ವೀರಶೈವರ ಗೆದ್ದ ಕ್ಷೇತ್ರ ಪ

ಒಂದು ಭಾಗದಿ ರೂಪ್ಯಪೀಠ ಮ-

ತ್ತೊಂದು ಭಾಗದಿ ಸೋದಾಕ್ಷೇತ್ರ

ಕುಂದು ಎಳ್ಳಷ್ಟಿಲ್ಲದೆ ತೋರ್ಪು

ದೆಂದು ಹರಿಭಕ್ತರಾದರಿಸುವರು 1

ಒಂದೇ ಸ್ಥಾನದಿ ಶ್ವೇತದ್ವೀಪ ಮತ್ತೆ

ವೈಕುಂಠನಂತಾಸನಗಳು

ಒಂದಾಗಿ ಶೋಭಿಸುತಿರುವ

ಚೆಂದವೇನೆಂದು ಪೇಳಲಿ ಮನವೆ 2

ರಾಜೇಶ ಹಯಮುಖ ಚರಣ

ಕಂಜ ಮಧುಪನಂತಿರುವ ಶ್ರೀಭಾವಿ-

ಕಂಜಜಾತನ ಪದಕರುಹ

ವಾದಿರಾಜರಾಯರ ದಿವ್ಯ ಕ್ಷೇತ್ರ 3

***