ಲಕ್ಷ್ಮೀವಲ್ಲಭ ಜಯ ಪಕ್ಷಿವಾಹನ ankita mohana vittala

 ದಶಾವತಾರದ ಆರತಿ ಪದ

ರಾಗ : ಆನಂದ ಭೈರವಿ

ತಾಳ : ತಿಶ್ರನಡೆ

ಲಕ್ಷ್ಮೀವಲ್ಲಭ ಜಯ ಪಕ್ಷಿವಾಹನ ಜಯ

ಮೋಕ್ಷದಾಯಕನೆ ಜಯ ಜಯ ॥ ಪ॥

ಮೋಕ್ಷದಾಯಕನೆ ಮಧುಸೂದನ ಪದ್ಮಾಕ್ಷಗಾರುತಿಯ ಬೆಳಗಿರೇ ॥ಅ.ಪ.॥

ಜಲದೊಳು ಸಂಚರಿಸಿ ಬಲು ಗಿರಿಯ ಧರಿಸಿದ

ಇಳೆಯ ದಾಡೆಯಿಂದ ನೆಗಹಿದಾ ||

ಇಳೆಯ ದಾಡೆಯಿಂದ ನೆಗಹಿದ ನರಹರಿ 

ಚೆಲುವಗಾರುತಿಯ ಬೆಳಗಿರೆ 

॥೧॥

ಶೋಭಾನೆ ಶೋಭಾನೆ ಶೋಭಾನೆ

ಚಿಕ್ಕ ಬ್ರಾಹ್ಮಣನಾಗಿ ಬಲಿಯ ದಾನವ ಬೇಡಿ

ಆಕ್ರಮಿಸಿದನೆ ತ್ರಿಲೋಕ ||ಆಕ್ರಮಿಸಿ ತ್ರಿಲೋಕನಾಳ್ದ ಶ್ರೀರಾಮ

ಶ್ರೀ ಕೃಷ್ಣಗಾರುತಿಯ ಬೆಳಗಿರೇ

॥೨॥

ಶೋಭಾನೆ ಶೋಭಾನೆ ಶೋಭಾನೆ

 

ನಗ್ನನಾಗಿ ವ್ರತವಾ ವಿಘ್ನವ ಚರಿಸಿದ

ಅಜ್ಞಾನಿ ಕಲಿಯ ಸದೆದ ||ಅಜ್ಞಾನಿ ಕಲಿಯ ಸದೆದ ಮೋಹನ್ನ ವಿಠ್ಠಲ ಸರ್ವಜ್ಞಗಾರುತಿಯ ಬೆಳಗಿರೇ

॥೩॥

ಶೋಭಾನೆ ಶೋಭಾನೆ ಶೋಭಾನೆ

***