ಎಂದು ಕಾಂಬೆನು ತಂದೆ ಪಂಢರಿ ankita gurugovinda vittala

 ರಾಗ - : ತಾಳ - 

ಎಂದು ಕಾಂಬೆನು ತಂದೆ ಪಂಢರಿ ವಿಟ್ಠಲರಾಯನೆ

ಬಂದು ನಿನ್ನಯ ಸುಂದರಾಕೃತಿ ಎಂದು ನೋಡುವೆ ll ಪ ll

ದಾಸ ಜನರಾ ಕ್ಲೇಶ ಹರಿಪಾ ದೋಷ ದೂರಾನೇ

ದೋಷಿ ಎನ್ನನು ಪೋಷಿಸೂವುದು ಸಹಸ್ರನಾಮಾನೇ ll 1 ll

ಶ್ರೇಷ್ಠ ಭಕ್ತನು ಕೊಟ್ಟ ಇಟ್ಟಿಯ ಮೆಟ್ಟಿ ನಿಂತಾನೇ

ಪುಟ್ಟನಾಗುತ ಮೆಟ್ಟಿ ಬಲಿಯನು ಕಷ್ಟ  ಕಳೆದಾನೇ ll 2 ll

ಕಾವ ಕೊಲ್ಲುವ ಬೋವ ಬಂಡಿಗೆ ಯಾವನೀತನೇ

ಓವಿ ಭಜಿಸಲು ಕಾವ ಗುರುಗೋವಿಂದವಿಟ್ಠಲನೇ ll 3 ll

***