ಧ್ಯಾನಿಸುವ ಸುಜನರಿಳೆಯೊಳೇನು ಧನ್ಯರೊ ankita gururama vittala

 ರಾಗ - : ತಾಳ -

ಧ್ಯಾನಿಸುವ ಸುಜನರಿಳೆಯೊಳೇನು ಧನ್ಯರೊ ll ಪ ll

ಶ್ರೀನಿಧಿ ನಮ್ಮ ನಾರಾಯಣನ ಚರಣಕಮಲವ ll ಅ ಪ ll

ಬ್ರಹ್ಮ ರುದ್ರ ಪ್ರಮುಖ ಸುರರಿಗೇನು ಮೂಲವೊ

ಸಮ್ಮತಿ ವೇದ ಶಾಸ್ತ್ರ ಪುರಾಣವೇನು ಪೇಳ್ವುದೊ ll 1 ll

ಕಾಲಕರ್ಮ ಜೀವ ಮಾಯ ಯಾರಧೀನವೊ

ಮೇಲೆ ಅನುಭವದಲಿ ತಿಳಿವುದದುವೆ ಜ್ಞಾನವೊ ll 2 ll

ಅರ್ಥ ಚತುಷ್ಟಯವ ಕೊಡುವ ಪಾರ್ಥಸಾರಥಿ

ಕರ್ತಾ ಭೋಕ್ತಾ ಗುರುರಾಮವಿಟ್ಠಲ ಮೂರುತಿ ll 3 ll

***