ಕೊಡಿಸೊ ಅಂಕಿತವಾ ಗುರುರಾಯಾ ನಿನ್ನ ankita hanumesha vittala

 ಕೊಡಿಸೊ ಅಂಕಿತವಾ ಗುರುರಾಯಾ ನಿನ್ನ

ಅಡಿಗಡಿಗೆರಗಿ ನಾ ಬೇಡುವೆನಯ್ಯಾ ಪ

ಕರುಣಾಸಾಗರನೆಂದು ಬಂದೆ ನಿನ್ನ ಚರಣವ ನಂಬಿ

ನಾ ಶರಣೆಂಬೆ ತಂದೆ

ಮರಿಯದೆ ಬಹು ತ್ವರದಿಂದೆ ನಿನ್ನಾ

ದರುಶನ ನುಡಿಯ ಪಾಲಿಸೋದಯದಿಂದ 1

ಕಡುಭಕ್ತಿಯಿಂದ ನಾ ಬೇಡಿಕೊಂಬೆ ಕೊಡುವ ಕರ್ತನು

ಎಂದು ಬಿಡದಲೇ ಕಾಡಿ

ಕಡೆಹಾಯಿಸದೆನ್ನನು ನೋಡಿ ಕೈಬಿಡಬ್ಯಾಡೊ ಕರುಣಿಸೋ

ನೀ ದಯ ಮಾಡಿ 2

ಕೊಡು ದಿವ್ಯ ಭಕುತಿ ವೈರಾಗ್ಯ ನಿನ್ನ ಅಡಿಗಳ ಸಾಕ್ಷಿ ನಾ

ಬೇಡ್ವೆ ಈ ಭಾಗ್ಯ

ಕಡೆಸೊ ಅe್ಞÁನವ ಯೋಚಿಸಿ ಕಷ್ಟ ಬಡಿಸಿ ಸುಮ್ಮನೆ

ನೋಡುವದೇನೊ ಯೋಗಿ 3

ದುಷ್ಟ ಪಾಪಿಷ್ಟನು ನಾನು ಅದನಷ್ಟು ಕ್ಷಮಿಸಿ

ಇಷ್ಟಾ ಪೂರೈಸೋ ನೀನು

ಇಷ್ಟಕೆ ದಯಬಾರದೇನೋ ದಯಾದೃಷ್ಟಿಯಿಂದಲಿ

ನೋಡೊ ಸುರ ಕಾಮಧೇನು 4

ಇಂದು ಇದ್ದವ ನಾಳೆಗಿಲ್ಲ ಇನ್ನು ಮುಂದೆ ಸಿಗುವುದು

ಅಂತರ್ಯಾಮಿ ಬಲ್ಲ

ಹನುಮೇಶವಿಠಲನ ಬಾಲಾ ನೀನು ಇಂದೆ

ಇತ್ತರೆ ನಿನ್ನ ಕೇಳ್ವರಿಲ್ಲಾ 5

****