ಅದ್ವೈತ ಮತವನು vijaya vittala suladi ಮಧ್ವಮತ ಸ್ತೋತ್ರ ಸುಳಾದಿ ADVAITA MATAVANU MADHWAMATA SULADI

Audio by Mrs. Nandini Sripad

ಶ್ರೀ ವಿಜಯದಾಸಾರ್ಯ ವಿರಚಿತ ಮಧ್ವಮತ ಸ್ತೋತ್ರ ಸುಳಾದಿ 

 ರಾಗ ಕಲ್ಯಾಣಿ 

 ಧ್ರುವತಾಳ 

ಅದ್ವೈತ ಮತವನು ಅದ್ವರ ಮಾಡುವ | 

ನ ದ್ವೇಷವನ್ನು ಬಳಿಸು ಸದ್ವಚನವ ಕೇಳು 

ದ್ವೈತ ಮತದಲ್ಲಿ ಸದ್ವೈಷ್ಣೋತ್ತಮನಾಗು 

ಸದ್ವಿಚಾರದಲ್ಲಿ ತದ್ವಿಧಿಯಾಚರಿಸು

ಮಧ್ವರಾಯರ ಪಾದದ್ವಯವ ಭಜಿಸಿ 

ಊರ್ಧ್ವ ಲೋಕಕೆ ಪೋಗುವ ದ್ವಾರಮಾಡು | 

ಅದ್ವೈತ ಮಹಿಮ ದಾನವದ್ವಂಸಿ ವಿಜಯವಿಠ್ಠಲ 

ವಿದ್ವತ್ತಮನ ನೀ ಹೃದ್ವನಜದೊಳಗಿರಿಸೊ ॥ 1 ॥

ಮಟ್ಟತಾಳ 

ತೃಣ ಮೊದಲು ನೋಡು ವನಜಭವ ಸಹಿತ| 

ಗಣಿತ ಗುಣಿತ ಮಾಡೆ ಜನನ ಮರಣ ಉಂಟು| 

ವನಜನಾಭನ ದರುಶನದಿಂದವರವರ| 

ಮನುಜೋತ್ತಮ ವಿಡಿದು| 

ನಿನಗಿಂದೊಂದೆರಡು ಗುಣವಧಿಕದಿಂದ| 

ಗುಣದಿಂದಧಿಕರು ವನಜನಂದನನ| 

ತನಕ ನಮಿಸುತಿರು| 

ಜನ್ಮಜನ್ಮದ ನಾಮಾ ವಿಜಯವಿಠ್ಠಲನ್ನ 

ಅನುಸರಿಸಿ ಕಾಲನ ಪುರವಗೆಲ್ಲೊ ॥ 2 ॥

ತ್ರಿವಿಡಿತಾಳ 

ಪಯೋರತಿಯೇ ಯತ್ರ ತತ್ರಾಪಿ ಭಗವಾನ್| 

ಅಯೋರಿತ ಅನಾದ್ಯಾಯ ಆಗಮಗಣ ಸಂಖ್ಯಾತೇ| 

ಯಯೋ ಶ್ರದ್ಧಾಪುರುಷ ಯಿತಿ ಮುಕ್ತಿ ವಾಚಾ 

ವಾಯು ಮತವೇ ಮತವೆಂದು ಪೇಳುತಲಿವೆ| 

ಬಾಯ ಬಡಕನಾಗಿ ಭಯಭಕ್ತಿ ಇಲ್ಲದೆ| 

ದಾಯಾದ್ಯರಂತೆ ಕೊಂಡಾಡಿದರೆ| 

ನಾಯಿ ಬಾಯಿಗೆ ಬಿದ್ದ ಆ ಯಂಜಲ ಅರಿವೇ| 

ಘಾಯ ವಡದಂತೆ ಯಮನ ಬಳಿಯಾ 

ಕಾಯ ಖಂಡ್ರಿಸಿಕೊಂಡು ನೋಯುವದೆ ಸಿದ್ಧ| 

ಜಯಂತ ನಾಮ ಶ್ರೀವಿಜಯವಿಠ್ಠಲನ್ನ | 

ಪ್ರೀಯವಾದ ಮತ ಪೊಂದಿ ಜಯವಂತರಾಗಿರೋ ॥ 3 ॥

ಅಟ್ಟತಾಳ 

ಆಲೋಚಿಸಿ ನೋಡಿ ವೈಷ್ಣವರ ಮತ | 

ದಾಳುಗಳು ಬರುವ ಕಿರಣ ಮಾಲೆ| 

ತುಳಸಿ ಗಳದಲ್ಲಿ ಪದುಮಹಾರ| 

ಮೇಲೆ ದ್ವಾದಶ ಪುಂಢ್ರ ಚಕ್ರಾಂಕಿತ | 

ಬಾಲರವಿಯಂತೆ ಪೊಳೆಯುತ್ತ ಚರಿಸಲು| 

ಸೋಲುವದು ಸುಮನಸರ ಗಣ | 

ಆಳಾವಾದು ಇವರ ಇವರ ಮಹಿಮೆಗೆಂದು|

ಕಾಲನ್ನ ದೂತರು ನಡಗುವರು| 

ಹೇಳಲೆ ಇದಕೆ ಸಾಕ್ಷಿ ಪ್ರಲ್ಹಾದನು | 

ಶೂಲಿ ಭಕ್ತನ ಬಾಧಿಯ ಗೆದ್ದನು| 

ಹಾಳು ಮತವ ಬಿಡು ಹಗಲಿಳಿದ್ದರು| 

ಘಾಳಿಗಿಕ್ಕಿದ ದೀಪದೋಪಾದಿಯೊ| 

ಬಾಳು ಸರ್ವದಾ ವಿಜಯವಿಠ್ಠಲನ್ನ |

ಆಳಾಗಿ ಸೇವಿಸೊ ಅರಸಾಗಿ ಭುಂಜಿಸೊ ॥ 4 ॥

ಆದಿತಾಳ 

ಉದ್ದಕೆ ಪೋದಕೆ ಊರು ಸೇರುವ 

ಉದ್ದಿನಷ್ಟು ಭಯವಿಲ್ಲದೆ ಮುಗ್ಧ ನಡ್ಡ| 

ಬಿದ್ದು ಪೋದರೆ ಅದ್ವಾನ ಅಡಿವಿ ಸೇರುವ | 

ಕದ್ದು ತಿಂಬುವರೊಳಗಾಡಿ ಶುದ್ಧಿ ಇಲ್ಲದೆ ಮುಣುಗುವ| 

ಸಿದ್ಧವಿದು ಸರ್ವದಲ್ಲಿ ಬುದ್ಧಿವಂತರು ಕೇಳುವದು| 

ಛುದ್ರ ಮಾರ್ಗದೂರ ಕಳದು ಶ್ರದ್ಧಾ ಭಕುತಿಯಿಂದ| 

ಉದ್ಧವಾದುದನು ಕರಿಸಿ ಉದ್ಧಾರಾಗುವದು| 

ಸಿದ್ಧ ಸಾಧನ ವಿಜಯವಿಠ್ಠಲನ್ನ ತದ್ಧಾಸರ ವೊಡಗೂಡಿ| 

ಪೊದ್ದು ತೊರದು ನಡೆದರೆ ಗತಿಗೆ ಪದ್ಯೆಗಳೆವ ನಿತ್ಯವಾಗಿ ॥ 5 ॥

ಜತೆ

ಆಗ್ರಮತವ ಬಿಟ್ಟು ಅಘ್ಘವಾಗದಿರಿ| 

ಅಗ್ರಜನಾಮ ವಿಜಯವಿಠ್ಠಲನು ಮೆಚ್ಚ ॥

***********