ಅನಾಥಬಂಧು ದೀನದಯಾಳು vijaya vittala suladi ನಾರಾಯಣ ನಾಮ ಸುಳಾದಿ ANAATHABANDHU DEENADAYAALU NARAYANA NAAMA SULADI

Audio by Mrs. Nandini Sripad

ಶ್ರೀ ವಿಜಯದಾಸಾರ್ಯ ಕೃತ ಶ್ರೀ ನಾರಾಯಣ ನಾಮ ಪ್ರಶಂಸನಾ ಸ್ತೋತ್ರ ಸುಳಾದಿ 

 ರಾಗ ಪಂತುವರಾಳಿ 

ಧ್ರುವತಾಳ

ಅನಾಥಬಂಧು ದೀನದಯಾಳು ಅನಾದಿದೈವ

ಅನಿಮಿತ್ತ ಜೀವ ಅನಾಮಯಾ ಅನಂತ

ಅನಂತಮೂರ್ತಿ ಪ್ರಧಾನ - ಪುರುಷರ ಧ್ಯಾನಕ್ಕೆ ದೂರಾ

ಆನಂದಮಯಾನತಿ ಜ್ಞಾನಾದಿ ಪೂರ್ಣಾ

ವಾಣಿಯರಸನಯ್ಯ ಅನರ್ಪಿತನ್ನೇ

ಪ್ರಾಣಾಪಾನಾದಿ ಪಂಚ ಪ್ರಾಣಾಹುತಿಯಿಂದ

ತ್ರಾಣರನ್ನೆ ಮಾಡಿ ಮಾಣದೆ ನಡಿಸುವ

ಜಾಣ ಬೃಹದ್ಭಾನು ವಿಜಯವಿಠ್ಠಲ ನೀನು

ನಾನಾ ಲೀಲೆಯ ತೋರುವ ನಾರಾಯಣದೇವ ॥ 1 ॥

ಮಟ್ಟತಾಳ

ಅಚ್ಯುತಾನಂತ ಗೋವಿಂದ ಕೃಷ್ಣ

ಸಚ್ಚಿದಾನಂದ ವೈಕುಂಠ ರಮಣ

ಅಚ್ಚರ ಮಹಿಮ ಕಮಲ ಜಾಂಡ

ಮುಚ್ಚಿ ಬಿಚ್ಚುವಂಥ ಬಿಗಹು ಪ್ರತಾಪಾ

ಅರ್ಚಿಷ್ಮಾನೆಂಬೊ ನಾಮದೊಡಿಯ 

ವಿಜಯವಿಠ್ಠಲನೆ ಅಚ್ಯುತ ಪದವಿಗರುಹಾ ನೀನೆ ॥ 2 ॥

ತ್ರಿವಿಡಿತಾಳ

ನಾ ಎಂದು ನುಡಿಯಲು ನಾನಾ ನರಕ ನಾಶ

ರಾ ಎಂದು ಪೇಳಲು ರಾಯ ಪದವಿಯಕ್ಕು

ಯ ಎಂದು ವರ್ಣಿಸಲು ಎಲ್ಲ ಕಾಲದಲ್ಲಿ

ಶ್ರೇಯಸ್ಸಿನಲ್ಲಿ ಆನಂದಕ್ಕೆ ಅಭಿವೃದ್ಧಿ

ಣಾ ಎಂದದರ ಫಲವಾರು ಪೇಳುವರಯ್ಯ

ಭೂವ್ಯೋಮ ಪಾತಾಳ ಮಧ್ಯದಲ್ಲಿ

ರಾಯಾ ಮಹಿಷ್ವಾಸಾ ವಿಜಯವಿಠ್ಠಲನ

ಗಾಯನ ಮಾಳ್ಪನ್ನ ಮತಿಗೆ ನಮೋ ನಮೋ ॥ 3 ॥

ಅಟ್ಟತಾಳ

ಪನ್ನಗ ಮಥನನ್ನ ಚನ್ನಾಗಿ ಮನದಲ್ಲಿ

ಸನ್ನಿಲಿಸಿಕೊಂಡು ಉನ್ನತ ಧ್ಯಾನವನು ಕೈಕೊಂಡ-

ವನ್ನ ಪುಣ್ಯಕ್ಕೆ ಸರಿಯನ್ನು ಪೇಳುವರಾರು

ಭಿನ್ನವಾಡಿದರೆ ಸುಣ್ಣಪುಡಿಯಲಿಟ್ಟು

ತಣ್ಣೀರು ಪೊಯಿಸುವನು ಪನ್ನಗ ಮಥನನ

ಚನ್ನಾಗಿ ಮನದಲ್ಲಿಡೆ

ಘನ್ನ ಪ್ರಜಾಪತಿ ವಿಜಯವಿಠ್ಠಲ ಸಂ -

ಪನ್ನ ನಾಮಕ್ಕೆ ಇನ್ನಾವದು ಸರಿ ॥ 4 ॥

ಆದಿತಾಳ

ಅಜ ಸುರ ದಿಕ್ಪಾಲಕಾ ಪ್ರಜೆ ಸುರ ಸಮುದಾಯ

ಗಜ ಅಜಮಿಳ ಪರಮಾ ಭಜಕರ ಮನೋಹಂಸಾ

ತ್ರಿಜಗವಂದಿತ ಪಂಕಜ ಪತಿ ಮಹಾ ಮಾಯಾ

ವಿಜಯವಿಠ್ಠಲರೇಯಾ ನಿಜವಾದ ಮಹಿಮಾ ॥ 5 ॥

ಜತೆ

ತೂಲವೆಂಬೊ ಪಾಪಕ್ಕೆ ಪಾವಕ ಹರಿನಾಮಾ

ತಿಳಿದು ಶ್ರೀಮತೆ ನಮ್ಮ ವಿಜಯವಿಠ್ಠಲ ನೊಲಿಸೆ ॥

************