ರಾಗ ಪೀಲು ಆದಿತಾಳ
Audio by Mrs. Nandini Sripad
ಪೋಗುವುದುಚಿತವೇ ಮಾಧವ ಮಧುರೆಗೆ ।
ಬಾಗುವೆ ನಿನಗೆ ॥ ಪ ॥
ನಾಗಶಯನ ನಿನ್ನಗಲಿ ಒಂದು ಕ್ಷಣ ।
ಹೇಗೆ ಸೈರಿಸುವೆವೋ ಆಗಮನುತ ಕೃಷ್ಣ ॥ ಅ ಪ ॥
ಅಕ್ರೂರನೆಂಬವನಿಲ್ಲಿಗೇಕೆ ಬಂದ ।
ಚಕ್ರಧರಗೂ ನಮಗೂ ।
ಸತ್ಕ್ರೀಡೆಗಳನೆಲ್ಲಾ ಕೆಡಿಸಬೇಕೆನುತಲಿ ।
ವಕ್ರನಂದದಲಿ ಬಂದು ॥
ಚಕ್ರಧರನೆ ಪೋಗಬೇಡ ನೀ ಮಧುರೆಗೆ ।
ಅಕ್ಕರದಿಂದಲಿ ಅಭಯ ಕೊಡೆಲೋ ಕೃಷ್ಣ ॥ 1 ॥
ಹುಟ್ಟಿಸಿದವನು ಭ್ರಷ್ಟ ಮಾಡುವರೇನೋ ।
ಕೃಷ್ಣರಾಯನೆ ನೀನು ।
ಎಷ್ಟು ಹೇಳಿದರೂ ಒಂದಿಷ್ಟು ದಯಬಾರದೆ ।
ಬೆನ್ನಟ್ಟಿದಲ್ಲದೆ ಬಿಡೆವೋ ॥
ಕೃಷ್ಣಯ್ಯ ನಿನ್ನೊಳು ಇಷ್ಟು ಗುಣಂಗಳ ।
ಭ್ರಷ್ಟವ ಮಾಡದೆ ಕೃಷ್ಣರಾಯನೆ ಬೇಗ ॥ 2 ॥
ಮಾರನ ಬಾಧೆಗೆ ಅಗಲಿ ನೀ ಮಧುರಾ ।
ಪುರಕಾಗಿ ಹೋಗುವರೆ ।
ಸೇರಿದವರನೆಲ್ಲಾ ಮೀರಿ ನೀ ಪೋದರೆ ।
ಯಾರೆಲೋ ಗತಿ ನಮಗೆ ॥
ವರದ ಶ್ರೀಪುರಂದರವಿಠಲರಾಯನೆ ।
ಸೆರಗೊಡ್ಡಿ ಬೇಡುವೆವೋ ನಿಲ್ಲು ನಿಲ್ಲೆಲೋ ಕೃಷ್ಣ ॥ 3 ॥
***
pallavi
pOguvuducitave mAdhava mathurege bAguve elo ninage nAgashayana ninnagali ondu kSaNa hEge sairisuvevo Agamanuta krSNa
caraNam 1
akrUranembuvanilligEtake banda cakradharagu namagu
satkrIDegaLanella keDisa bEkanutali vakranandadali bandu
cakradharane pOga bEDa nI mathurege akkaradindali abhaya koDelo krSNa
caraNam 2
huTTisidavaranu bhraSTa mADuvarEno krSNarAyane nInu
eSTu hELidaru ondiSTu daya bArade bennaTTidallade biDavo
krSNayya ninnoLu iSTu guNangaLa bhraSTava mADade krSNarAyane bEga
caraNam 3
mArana bAdege agali nI mathutApuragAgi hOguvare sEridavaranella mIri nI pOdare
yArelo gati namage varada puradara viTTalarAyane seragoTTi bEDuvevo nilli nillalo krSNa
***
ರಾಗ ತುಜಾವಂತು ಆದಿತಾಳ
ಪೋಗುವುದುಚಿತವೆ ಮಾಧವ ಮಧುರೆಗೆ
ಬಾಗುವೆ ಎಲೊ ನಿನಗೆ
ನಾಗಶಯನ ನಿನ್ನಗಲಿ ಒಂದು ಕ್ಷಣ
ಹೇಗೆ ಸೈರಿಸುವೆವೊ ಆಗಮನುತ ಕೃಷ್ಣ || ಪ ||
ಅಕ್ರೂರನೆಂಬುವನಿಲ್ಲಿಗೇತಕೆ ಬಂದ, ಚಕ್ರಧರಗು ನಮಗು
ಸತ್ಕ್ರೀಡೆಗಳನೆಲ್ಲ ಕೆಡಿಸಬೇಕನುತಲಿ, ವಕ್ರನಂದದಲಿ ಬಂದು
ಚಕ್ರಧರನೆ ಪೋಗಬೇಡ ನೀ ಮಧುರೆಗೆ, ಅಕ್ಕರದಿಂದಲಿ ಅಭಯ ಕೊಡೆಲೊ ಕೃಷ್ಣ ||
ಹುಟ್ಟಿಸಿದವರನು ಭ್ರಷ್ಟ ಮಾಡುವರೇನೊ, ಕೃಷ್ಣರಾಯನೆ ನೀನು
ಎಷ್ಟು ಹೇಳಿದರು ಒಂದಿಷ್ಟು ದಯ ಬಾರದೆ, ಬೆನ್ನಟ್ಟಿದಲ್ಲದೆ ಬಿಡವೊ
ಕೃಷ್ಣಯ್ಯ ನಿನ್ನೊಳು ಇಷ್ಟು ಗುಣಂಗಳ, ಭ್ರಷ್ಟವ ಮಾಡದೆ ಕೃಷ್ಣರಾಯನೆ ಬೇಗ ||
ಮಾರನ ಬಾದೆಗೆ ಅಗಲಿ ನೀ ಮಧುರಾ-ಪುರಕಾಗಿ ಹೋಗುವರೆ
ಸೇರಿದವರನೆಲ್ಲ ಮೀರಿ ನೀ ಪೋದರೆ , ಯಾರೆಲೊ ಗತಿ ನಮಗೆ
ವರದ ಶ್ರೀಪುರಂದರವಿಟ್ಠಲರಾಯನೆ, ಸೆರಗೊಡ್ಡಿ ಬೇಡುವೆವೊ ನಿಲ್ಲು ನಿಲ್ಲೆಲೊ ಕೃಷ್ಣ ||
********
No comments:
Post a Comment