ನಿನ್ನ ದಾಸನಾದೆ ನಾನು ಎನ್ನ ಮನ್ನಿಸಿ ಮಮತೆಯ purandara vittala

ರಾಗ ಯದುಕುಲಕಾಂಭೋಜ ತ್ರಿಪುಟತಾಳ 

ನಿನ್ನ ದಾಸನಾದೆ ನಾನು ||ಪ||
ಎನ್ನ ಮನ್ನಿಸಿ ಮಮತೆಯ ಮಾಡಯ್ಯ ನೀನು ||ಅ||

ಜನನಿಯ ಗರ್ಭದೊಳು ನಾನು ಬಲು
ದೀನತ್ವದಿಂದ ತೊಳಲಿ ಬಂದವನು
ಚಿನುಮಯಾನಂದಾತ್ಮಕನು ಏ-
ನನುಮಾನವಿಲ್ಲದೆ ನಿನ್ನ ನಂಬಿದೆನು ||

ಹಲವು ಜನ್ಮದಿ ತೊಳಲಿದೆನು ಬಲು
ಬಳಲಿದೆನು ಸಾಕೋ ಜನಿಸಲಾರೆ ನಾನು
ನಳಿನಾಕ್ಷ ನಿನ್ನ ನಂಬಿದೇನು, ಎನ್ನ
ಅಳಲಿಸುವುದು ಗುಣವಲ್ಲ ಇದೇನು ||

ಮಲಮೂತ್ರ ದೇಹದೊಳ್ಬಂದು ಬಲು
ಅಲಸಿದೆ ನಿನ್ನ ಕಾಣದೆ ದೇಹ ನೊಂದು
ಲಲನೆಗಕ್ಷಯವಿತ್ತೆ ಎಂದು, ನಿನ್ನ
ಒಳಗಿನ ಕರುಣದ ಕಂದ ನಾನೆಂದು ||

ಮಂದಮತಿಯೊಳಗಾನು ಬಲು
ದಂದುಗದಲಿ ಸಿಲುಕಿ ನೊಂದೆನೊ ನಾನು
ತಂದೆತಾಯೆಲ್ಲವು ನೀನು, ಹೀಗೆ
ಎಂದು ನೇಮಿಸು ಎನಗೊಂದು ದಾರಿಯನು ||

ಹಿಂದಿನ ಜನ್ಮವ ಮರೆತು ಎನ್ನ
ಅಂತರಂಗವು ಕರಗಿತು ನಿನ್ನನೆ ಮರೆತು
ಚಿಂತೆಗಳೆಲ್ಲವ ತೊರೆದು ನಿ-
ಶ್ಚಿಂತನಾದೆ ನಿನ್ನ ದಾಸರೊಳ್ ಬೆರೆತು ||

ಸಾರಿ ಪೇಳುವೆನೊಂದು ಸೊಲ್ಲ ಇದ-
ನರಿತು ತಿಳಿದುಕೊಳ್ಳಿರಿ ನೀವೆಲ್ಲ
ನಾರಾಯಣನಲ್ಲದಿಲ್ಲ, ಹೀಗೆ
ಸಾರುತಿದೆ ವೇದ ಶಾಸ್ತ್ರಂಗಳಲೆಲ್ಲ ||

ಮರೆತೆನೋ ನಿನ್ನ ನಾಮವನು, ಜಿಹ್ವೆಗೆ
ಬರೆದು ಬೋಧಿಸೊ ನಿನ್ನ ದಿವ್ಯ ನಾಮವನು
ಶರಣುಪೊಕ್ಕರ ಕಾಯುವನು, ನಮ್ಮ
ವರದ ಪುರಂದರವಿಠಲ ಇದೇನು ||
***

pallavi

ninna dAsanAde nAnu

anupallavi

enna mannisi mamateya mADayya nInu

caraNam 1

janniya garbhadoLu nAnu balu dInatvadinda toLali bandavanu

cinumyAtmakAnandavanu EnanumAnavillade ninna nambidenu

caraNam 2

halavu janmadi toLalidenu balu baLalidenu sAkO janisalAre nAnu

naLinAkSa ninna nambidEnu enna aLalisuvudu guNavalla idEnu

caraNam 3

mala mUtra dEhadoLbandu balu alaside ninna kANade dEha nondu

lalanegakSayavitte endu ninna oLagina karuNada kanda nAnendu

caraNam 4

mandamatiyoLagAnu balu tandugadali siluki nondeno nAnu

tande tAyellavu nInu hIge endu nEmisu enagondu dAriyanu

caraNam 5

hindina janmava maredu enna antarangavu karagidu ninnane

maredu cintegaLellava toredu nishcittanAde ninna dAsaroL beredu

caraNam 6

sAri pELuvenondu solla idanaridu tiLidu koLLari nIvella

nArAyaNanalladilla hIge sArutide vEda shAstrangaLalella

caraNam 7

maredenO ninna nAmavanu jivege oredu bOdhiso ninna divya nAmavanu

sharaNu pokkara kAyuvanu namma varada purandara viTTala idEnu

***