ಪಾಲಿಸೋ ವೆಂಕಟಗಿರಿ ರಾಯಾ ankita pranesha vittala

by ಪ್ರಾಣೇಶದಾಸರು

ರಾಗ -  :  ತಾಳ -

ಪಾಲಿಸೊ ವೆಂಕಟಗಿರಿ ರಾಯ ಲಕ್ಷ್ಮೀ l

ಲೋಲ ನೀಲಾಂಬುದ ಸಮ ಕಾಯಾ ll ಪ ll

ಮಾ ಕಮಲಾಸನ ವಾಸವ ಸುರ

ನೀಶ ಕರಾಧ್ಯ ಕೇಶವ ll

ಲೋಕೇಶ ಎನ್ನಲ್ಲಿ ವಾಸವ ಮಾಡಿ

ನೂಕು ತುಚ್ಛರ ಕ್ಲೇಶವ ll 1 ll

ಹಿಂದಿನ ಜನುಮಗಳೆಣಿಕಿಲ್ಲ ದಯಾ

ಸಿಂಧು ಸಾಧನವೀಗಲಿನಿತಿಲ್ಲಾ ll

ಮುಂದಿನ ಗತಿಯೇನೋ ತಿಳಿದಿಲ್ಲ ಇದ

ರಿಂದಲಂಜುವೆ ಜಾಂಬವತೀ ನಲ್ಲ ll 2 ll

ಬಾಲಕನಾದೆ ಕೆಲವು ದಿನ ಪ್ರಾಯ l

ಕಾಲವೊದಗಲು ಪರಾಂಗನಾ ll

ಮೇಲೆ ಅಭಕ್ಷಣೆಯಲಿ ಮನವಿಟ್ಟೆ ಹೇ l

ಳಲೊಂದೆರಡೇ ಯನ್ನವಗುಣ ll 3 ll

ಉದಯ ಸ್ನಾನವು ಸಂಧ್ಯಾವಂದನೆ ಅರ್ಘ್ಯ l

ವಿಧಿ ಗುರು ಹಿರಿಯರ ವಂದನೆ ll

ಮೊದಲಾಗಿ ಪಿತರಾರಾಧನೆ ಬಿಟ್ಟೆ l

ಮದದಿಂದ ಹೀನನೆಂಬುವ ನಾನೇ ll 4 ll

ಅನ್ಯರ ಮನೆ ದ್ವಾರ ಕಾಯ್ವೆನೋ ಸ್ವಾಮಿ l

ನಿನ್ನ ಸ್ಮರಣೆಯ ಕ್ಷಣ ಮಾಡೆನೋ ll

ಅನ್ನಕ್ಕೆ ಬಹುದೂರ ಪೋಪೆನೋ ಸಾರೆ l

ಪುಣ್ಯಕ್ಷೇತ್ರಗಳಿರೆ ನೋಡೆನೋ ll 5 ll

ಧನಹೀನನಾದ ಕಾರಣದಿಂದ ಸತಿ l

ಮನೆ ಹೊಂದಿಸಳೋ ಪರಮಾನಂದ ll

ತನುಜರಶನ ವಸನಗಳಿಂದ ಕಾಡು l

ವಣು ಮಾತ್ರ ಸುಖವಿಲ್ಲ ಇದರಿಂದ ll 6 ll

ಏಸು ಹೇಳಲಿ ಮಾತ ಲಾಲಿಸೋ ಶ್ರೀ ಪ್ರಾ l

ಣೇಶವಿಟ್ಠಲ ನೀನೇ ತಾರಿಸೋ ll

ಆ ಸತ್ಕರ್ಮದಿ ಮನ ಪ್ರೇರಿಸೋ ನಿನ್ನ l

ದಾಸವರ್ಗದೊಳೆನ್ನ ಕೂಡಿಸೋ ll 7 ll

***

ಪಾಲಿಸೋ ವೆಂಕಟಗಿರಿ ರಾಯಾ ಲಕ್ಷ್ಮೀ |

ಲೋಲನೀಲಾಂಬುದ ಸಮ ಕಾಯಾ       ಪ

ಮಾಕಮಲಾಸನವಾಸವ- ಸುರ |ನೀಶ ಕರಾಧ್ಯ ಕೇಶವ ||ಲೋಕೇಶ ಯನ್ನಲ್ಲಿ ವಾಸವ-ಮಾಡಿನೂಕು ತುಚ್ಛತರ ಕ್ಲೇಶವ 1

ಹಿಂದಿನ ಜನುಮಗಳೆಣಿಕಿಲ್ಲ - ದಯಾ |ಸಿಂಧುಸಾಧನವೀಗಲಿನಿತೆಲ್ಲಾ ||ಮುಂದಿನ ಗತಿಯೇನೋ ತಿಳಿದಿಲ್ಲ - ಇದ |ರಿಂದಲಂಜುವೆ ಜಾಂಬವತೀ ನಲ್ಲ 2

ಬಾಲಕನಾದೆ ಕೆಲವು ದಿನ - ಪ್ರಾಯ |ಕಾಲವೊದಗಲು ಪರಾಂಗನಾ ||ಮೇಲೆ ಅಭಕ್ಷಣೆಯಲಿ ಮನವಿಟ್ಟೆ - ಹೇ |ಳಲೊಂದೆರಡೇ ಯನ್ನವಗುಣ 3

ಉದಯ ಸ್ನಾನವು ಸಂಧ್ಯಾವಂದನೆ - ಅಘ್ರ್ಯ |ವಿಧಿಗುರುಹಿರಿಯರ ವಂದನೆ |ಮೊದಲಾಗಿ ಪಿತರಾರಾಧನೆ ಬಿಟ್ಟೆ |ಮದದಿಂದ ಹೀನನೆಂಬುವ ನಾನೇ4

ಅನ್ಯರ ಮನೆ ದ್ವಾರ ಕಾಯ್ವೆನೋ - ಸ್ವಾಮಿ |ನಿನ್ನ ಸ್ಮರಣೆಯ ಕ್ಷಣ ಮಾಡೆನೋ ||ಅನ್ನಕ್ಕೆ ಬಹುದೂರ ಪೋಪೆನೋ - ಸಾರೆ |ಪುಣ್ಯಕ್ಷೇತ್ರಗಳಿರೆ ನೋಡೆನೋ 5

ಧನಹೀನನಾದ ಕಾರಣದಿಂದ -ಸತಿ|ಮನೆ ಹೊಂದಿಸಳೋ ಪರಮಾನಂದ ||ತನುಜರಶನ ವಸನಗಳಿಂದ ಕಾಡು |ವಣು ಮಾತ್ರ ಸುಖವಿಲ್ಲ ಇದರಿಂದ6

ಏಸುಹೇಳಲಿ ಮಾತ ಲಾಲಿಸೋ - ಶ್ರೀ ಪ್ರಾ- |ಣೇಶ ವಿಠ್ಠಲ ನೀನೇ ತಾರಿಸೋ ||ಆ ಸತ್ಕರ್ಮದಿ ಮನ ಪ್ರೇರಿಸೋ - ನಿನ್ನ |ದಾಸವರ್ಗದೊಳೆನ್ನ ಕೂಡಿಸೋ 7
*******