ಸಾಧನಕೆ ಬಗೆ ಕಾಣೆ ಎನಬಹುದೆ ಸಾದರದಿ ankita vijaya vittala SAADHANKE BAGE KAANE ENABAHUDE SAADARADI

ಸಾಧನಕೆ ಬಗೆಗಾಣೆನೆನ್ನಬಹುದೆ 

ಸಾದರದಿ ಗುರುಕರುಣ ತಾ ಪಡೆದ ಬಳಿಕ || ಪ ||

ಕಂಡಕಂಡದ್ದೆಲ್ಲ ಕಮಲನಾಭನ ಮೂರ್ತಿ

ಉಂಡು ಉಟ್ಟದ್ದೆಲ್ಲ ವಿಷ್ಣುಪುಜೆ

ತಂಡತಂಡದ ವಾರ್ತೆ ವಾರಿಜಾಕ್ಷನ ಕೀರ್ತಿ

ಹಿಂಡು ಮಾತುಗಳೆಲ್ಲ ಹರಿಯ ನಾಮ || ೧ ||

ವಾಗತ್ಯಪಡುವುದೆ ವಿಧಿನಿಷೇಧಾಚರಣೆ

ರೋಗಾನುಭವವೆಲ್ಲ ಉಗ್ರತಪವು

ಆಗದವರಾಡಿಕೊಂಬುವುದೆ ಆಶೀರ್ವಾದ

ಬೀಗರುಪಚಾರವೇ ಭೂತದಯವು || ೨ ||

ಮೈಮರೆತು ಮಲಗುವುದೆ ಧರಣಿಗೆ ನಮಸ್ಕಾರ

ಕೈಮೀರಿ ಹೋದದ್ದೆ ಕೃಷ್ಣಾರ್ಪಣ

ಮೈಮನೋವೃತ್ತಿಗಳೆ ವಿಷಯದಲಿ ವೈರಾಗ್ಯ

ಹೊಯ್ಮಾಲಿತನವೆಲ್ಲ ಹರಿಯ ವಿಹಾರ || ೩ ||

ಹಿಡಿದ ಹಟ ಪೂರೈಸಲದು ಹರಿಯ ಸಂಕಲ್ಪ

ನಡೆದಾಡುವೋದೆಲ್ಲತೀರ್ಥ ಯಾತ್ರೆ

ಬಡತನವು ಬರಲದೇ ಭಗವದ್ಭಜನೆಯೋಗ

ಸಡಗರದಲಿಪ್ಪುದೆ ಶ್ರೀಶನಾಜ್ಞೆ || ೪ ||

ಬುದ್ಧಿಸಾಲದೆ ಸುಮ್ಮನಿರುವುದೇ ಸಮ್ಮತವು

ಯದೃಚ್ಛಾಲಾಭವೇ ಸುಖವು ಎನಲು

ಮಧ್ವಾಂತರ್ಗತ ಶ್ರೀವಿಜಯವಿಠ್ಠಲರೇಯ

ಹೃದ್ಗತಾರ್ಥವ ತಿಳಿದು ಒಪ್ಪಿಸಿಕೊಳನೆ || ೫ ||

****

ರಾಗ – ಕಾಂಬೋದಿ  ತಾಳ – ಝಂಪೆ (raga, taala may differ in audio)

Sadhanake bageganenennabahude

Sadaradi gurukaruna ta padeda balika || pa ||

Kandakandaddella kamalanabana murti

Undu uttaddella vishnupuje

Tandatandada varte varijakshana kirti

Hindu matugalella hariya nama || 1 ||

Vagatyapaduvude vidhinishedhacarane

Roganubavavella ugratapavu

Agadavaradikombude asirvada

Bigarupacarave butadayavu || 2 ||

Maimaretu malaguvude dharanige namaskara

Kaimiri hodadde krushnarpana

Maimanovruttigale vishayadali vairagya

Hoymalitanavella hariya vihara || 3 ||

Hidida hata puraisaladu hariya sankalpa

Nadedaduvodella tirthayatre

Badatana baralade bagavadbajaneyoga

Sadagaradalippude srisanaj~je || 4 ||

Buddhisalade summaniruvude sammatavu

Yadruccalabave sukavu enalu

Madhvantargata srivijayaviththalareya

Hrudgatarthava tilidu oppisikolane || 5 ||

***