ಬರಿದೆ ದೂರುವಿರಿಯೇಕಮ್ಮ ನಮ್ಮ ಬಾಲನ purandara vittala

ರಾಗ ಮಧ್ಯಮಾವತಿ. ಆಟ ತಾಳ

ಬರಿದೆ ದೂರುವಿರಿಯೇಕಮ್ಮ ,ನಮ್ಮ ಬಾಲನ
ಬರಿದೆ ದೂರುವಿರಿಯೇಕಮ್ಮ ||ಪ||
ತರಳನಿವನು ಬಲು ದುರುಳನೆಂದೆನುತಲಿ
ತರತರದಲಿ ನಾರಿಯರು ನೀವು ಪ್ರತಿ ದಿನ ||ಅ||

ಹಾಲ ಕುಡಿಯಲರಿಯ ಎನ್ನಯ ಕಂದ
ಪಾಲು ಬೆಣ್ಣೆ ಕದಿವನೆ
ಆಲಯದೊಳಗಿಂದಗಲದ ಹಸುಮಗ
ಬಾಲೆರ ಸೊಗಸಿಗೆ ಒಲಿದು ಬರುವನೆಂತು ||

ಮಾತನರಿಯದ ಬಾಲ ನಿಮ್ಮನು ಕಂಡು
ಸೋತು ಮೋಹಿಸಬಲ್ಲನೆ
ಪಾತಕತನದಲ್ಲಿ ನುಡಿದರೆ ತೊಟ್ಟಿಲೊ-
ಳೀ ತೆರದಿ ಮಲಗಿರುವ ಎನ್ನಯ ಶಿಶು ||

ನಡೆಯಲರಿಯದ ಬಾಲ ನಿಮ್ಮನೆಯಲಿ
ತುಡುಗು ಕಳವು ಮಾಳ್ಪನೆ
ಕೊಡಲು ಮೊಲೆಯನುಣಲರಿಯದ ಕಂದಯ್ಯ
ಹುಡುಗೇರ ಕುಚಗಳ ಪಿಡಿವನೆಂತು ಛೀ ಛೀ ||

ಸುತ್ತಿ ಕಟ್ಟಿದ ಹಗ್ಗವ ಸೆಳೆದು ಬಂದು
ಮತ್ತಿಮರ ಕೆಡಹೋದೆ
ಒತ್ತಿ ಕಾಳಿಂಗನ ಹೊಡೆಗಳ ತುಳಿದು ಸಾ-
ಮರ್ಥ್ಯದಲಸುರರ ಸಂಹರಿಸಬಲ್ಲನೆ ಕಂದ ||

ಇಂತು ನಂದನ ಕಂದನ ಮಾಯಾಗಾರ-
ನೆಂದು ಪೇಳದಿರೆ ಇನ್ನು
ಎಂದೆಂದು ನಂಬದ ಚಾಡಿಯ ಪೇಳದೆ
ಬಂದು ಲಾಲಿಸಿರೆ ಪುರಂದರವಿಠಲನ ||
***

pallavi

baride duruviriyEkamma namma bAlana baride duruviriyEkamma

anupallavi

taraLanivanu balu duruLanendenutali tara taradali nAriyaru nIvu prati dina

caraNam 1

hAla kuDiyalariya ennaya kanda pAlu beNNe kadivane

AlayadoLagindagalada hasumaga bAlera sogasige olidu baruvanendu

caraNam 2

mAtanariyada bAla nimmanu kaNDu sOtu mOhisa ballane pAdakadanadalli

nuDidare toTTiloLI teradi malagiruva ennaya shishu

caraNam 3

naDeyalaiyada bAla nimmaneyali duDuku kaLavu mALpane koDalu

moleyanuNalariyada kandayya huDugEra kucagaLa piDivanendu chI chI

caraNam 4

sutti kaTTida haggava seLedu bandu mattimara keDahOde otti kALingana

hoDegaLa tuLidu sAmarthyadalasurara samharisa ballane kanda

caraNam 5

indu nandana kandana mAyAkAranendu pELadire innu endendu

nambada cADiya pELade bandu lAlisire purandara viTTalana

***