ಕಂಡೆ ಪಂಢರಿ ರಾಯನ ತನ್ನನು ಕೊಂಡಾಡುವರ ಪ್ರಿಯನ ankita jagannatha vittala KANDE PANDARI RAAYANA TANNANU KONDAADUVARA PRIYANA

ಕಂಡೆ ಫಂಡರಿರಾಯನಾ ತನ್ನನುದಿನ l

ಕೊಂಡಾಡುವರ ಪ್ರೀಯನಾ ll ಪ ll

ಸಮಚರಣಾಂಬುಜನ ನಿಗಮಾಗಮತತಿಗೋಚರನಾ l

ಅಮಿತ ಪರಾಕ್ರಮನಾ ಶ್ರೀರುಗ್ಮಿಣಿರಮಣನ ವೀಕ್ಷಣನಾ ll 1 ll

ಕಾಮಿತಾರ್ಥಪ್ರದನಾ ಶ್ರೀತುಳಸಿಧಾಮ ವಿಭೂಷಣನಾ l

ಸಾಮಜವರಪಾಲನ ತ್ರಿಭುವನ ಸ್ವಾಮಿಚಿತ್ಸುಖಮಯನಾ ll 2 ll

ಗೋಕುಲಪೋಷಕನಾ ಮುನಿಪುಂಡರೀಕಗೊಲಿದು ಬಂದನಾ l

ಲೋಕವಿಲಕ್ಷಣನಾ ಪ್ರಣತರ ಶೋಕ ವಿನಾಶಕನಾ ll 3 ll

ಚಂದ್ರಭಾಗಾವಾಸನಾ ವಿಧಿಫಣೀಂದ್ರ ಮುಖಾರ್ಚಿತನಾ l

ಇಂದ್ರೋಪಲನಿಭನಾ ಗುಣಗಣಸಾಂದ್ರ ಸುರೋತ್ತಮನಾ ll 4 ll

ಶ್ವೇತವಾಹನ ಸಖನಾ ಸತಿಗೆ ಪಾರಿಜಾತವ ತಂದವನಾ l

ವೀತಶೋಕಭಯನಾ ಗುರು ಜಗನ್ನಾಥವಿಠಲರೇಯನಾ ll 5 ll

*****

ಕಂಡೆ ಪಂಢರಿರಾಯನ , ತನ್ನನು
ಕೊಂಡಾಡುವರ ಪ್ರಿಯನ , ವಿಠಲನ ||ಪ||

ಸಮ ಚರಣ ಭುಜನ ನಿಗಮಾ-
ಗಮತತಿಗೆ ಗೋಚರನ
ಅಮಿತ ಪರಾಕ್ರಮನ ರುಕ್ಮಿಣಿ-
ರಮಣ ಸುಲಕ್ಷಣನ ವಿಠ್ಠಲನ ||೧||

ಕಾಮಿತಾರ್ಥಪ್ರದನ ಸಿರಿತುಲಸಿ
ದಾಮ ವಿಭೂಷಣನ
ಸಾಮಜ ಪತಿಪಾಲನ ತ್ರೈಜಗ-
ತ್ಸ್ವಾಮಿ ಚಿತ್ಸುಖಮಯನ ವಿಠ್ಠಲನ ||೨||

ಗೋಕುಲಪೋಷಕನ ಮುನಿಪುಂಡ-
ರೀಕಗೊಲಿದು ಬಂದನ
ಲೋಕವಿಲಕ್ಷಣನ ಶರಣರ
ಶೋಕವಿನಾಶನನ ವಿಠ್ಠಲನ ||೩||

ಚಂದ್ರಭಾಗವಾಸನ ವಿಧಿ-ವಿಹ-
ಗೇಂದ್ರ ಮುಖಾರ್ಚಿತನ
ಇಂದ್ರೋತ್ಪಲನಿಭನ ಗುಣಗಣ
ಸಾಂದ್ರ ಸುರೋತ್ತಮನ ವಿಠ್ಠಲನ ||೪||

ಶ್ವೇತವಾಹನ ಸಖನ ಸತಿಗೆ ಪಾರಿ-
ಜಾತವ ತಂದಿತ್ತವನ
ವೀತಶೋಕ ಭಯನ ಶ್ರೀ ಜಗ-
ನ್ನಾಥವಿಠ್ಠಲರಾಯನ ||೫||
****

ರಾಗ - ಪೂರ್ವಿ  :  ತಾಳ - ತ್ರಿವಿಡೆ ತಾಳ (raga, taala may differ in audio)

ರಾಗ - ನಾದನಾಮಕ್ರಿಯೆ (ಮಾಂಡ್ ) ಆದಿತಾಳ (ಕಹರವಾ)