ಬೆಳಗೀರೆ ಆರತಿಯಾ ಹಯಗಿರಿ ankita prasannavittala

 ರಾಗ - : ತಾಳ - 

ಬೆಳಗೀರೆ ಆರತಿಯಾ ಹಯಗಿರಿ l

ನಿಲಯ ಶ್ರೀ ನರಸಿಂಗಗೆ l

ಜಲಧಿಶಯನನಿಗೆ ಜಾಹ್ನವೀ ಜನಕಾಗೆ l

ಅಲರಂಭಾ ಶತಕೋಟಿ ತೇಜ ಸೌಂದರ್ಯಗೆ ll ಪ ll

ಮಚ್ಛಾವತಾರಗೆ ಮಂದರಧರನಿಗೆ l

ಹೆಚ್ಚಿನ ಹೇಮಾಕ್ಷನ ಕೊಂದ ಧೀರಗೆ l

ಮೆಚ್ಚಿ ಪ್ರಹ್ಲಾದನ್ನ ಮಾನಾ ಕಾಯಿದಾಗೆ l

ಸಚ್ಚಿದಾನಂದ ಶ್ರೀ ವಾಮನ ರೂಪಗೆ ll 1 ll

ಪರಶುವ ಪಿಡಿದು ಕ್ಷತ್ರಿಯರ ಸಂಹರಿಪಾಗೆ l

ಹರುಷದಿಂದರೆಯ ಪೆಣ್ಗೈದಾ ಶ್ರೀರಾಮಗೆ l

ದುರುಳ ಕಂಸನಾ ಕೊಂದು ಧರೆಯ ಪಾಲಿಸಿದಾಗೆ l

ಪುರದಾ ಸತಿಯರ ವ್ರತವನಳಿದಾ ಶ್ರೀ ಬೌಧ್ಧಗೆ ll 2 ll

ಕಲಿಯುಗದಲಿ ರಾವುತನಾದ ಧೀರಗೆ l

ವಲಿದಾ ಕಿಂಕರರ ಹೃತ್ಕಮಲ ದ್ವಿರೇಭಾಗೆ l

ಸಲೆ ಭಕ್ತರನು ಪೊರೆವ ಪ್ರಸನ್ನವಿಟ್ಠಲನಿಗೆ l

ಸುಲಭ ದೇವರದೇವಾ ಶ್ರೀ ವೆಂಕಟೇಶನಿಗೆ ll 3 ll

***