ಶ್ರೀಸತ್ಯಬೋಧೋ ನಿಜಕಾಮಧೇನುರ್ಮಾಯಾತಮ:ಖಂಡನಚಂಡಭಾನು: ।
ದುರಂತಪಾಪಪ್ರದಹೇ ಕೃಶಾನುರ್ದೇಯಾನ್ಮಮೇಷ್ಟಂ ಗುರುರಾಜಸೂನು: ।।೧।।
ಶ್ರೀಸತ್ಯಬೋಧೇತಿಪದಾಭಿಧಾನ: ಸದಾ ವಿಶುದ್ಧಾತ್ಮಧಿಯಾ ಸಮಾನ: ।
ಸಮಸ್ತವಿದ್ವನ್ನಿಚಯಪ್ರಧಾನೋ ದೇಯಾನ್ಮಮೇಷ್ಟಂ ವಿಬುಧಾನ್ ದಧಾನ: ।।೨।।
ರಮಾಧಿನಾಥಾರ್ಹಣವಾಣಿಜಾನಿ: ಸ್ವಭಕ್ತಸಂಪ್ರಾಪಿತದು:ಖಹಾನಿ: ।
ಲಸತ್ಸರೋಜಾರುಣನೇತ್ರಪಾಣಿರ್ದೇಯಾನ್ಮಮೇಷ್ಟಂ ಶುಭದೈಕವಾಣಿ: ।।೩।।
ಭಕ್ತೇಷು ವಿನ್ಯಸ್ತಕೃಪಾಕಟಾಕ್ಷೋ ದುರ್ವಾದಿವಿದ್ರಾವಣದಕ್ಷದೀಕ್ಷ: ।
ಸಮೀಹಿತಾರ್ಥಾರ್ಪಣಕಲ್ಪವೃಕ್ಷೋ ದೇಯಾನ್ಮಮೇಷ್ಟಂ ಕೃತಸರ್ವರಕ್ಷ: ।।೪।।
ಶ್ರೀಮಧ್ವದುಗ್ಧಾಬ್ಧಿವಿವರ್ಧಚಂದ್ರ: ಸಮಸ್ತಕಲ್ಯಾಣಗುಣೈಕಸಾಂದ್ರ: ।
ನಿರಂತರಾರಾಧಿತರಾಮಚಂದ್ರೋ ದೇಯಾನ್ಮಮೇಷ್ಟಂ ಸುಧಿಯಾಂ ಮಹೇಂದ್ರ: ।।೫।।
ನಿರಂತರಂ ಯಸ್ತು ಪಠೇದಿಮಾಂ ಶುಭಾಂ ಶ್ರೀಶ್ರೀನಿವಾಸಾರ್ಪಿತಪಂಚಪದ್ಯೀಮ್ ।
ತಸ್ಯ ಪ್ರಸೀದೇತ್ ಗುರುರಾಜಹೃದ್ಗ: ಸೀತಾಸಮೇತೋ ನಿತರಾಂ ರಘೂತ್ತಮ: ।।೬।।
।। ಇತಿ ಶ್ರೀ ಶ್ರೀನಿವಾಸಾಚಾರ್ಯ ಕೃತಂ ಶ್ರೀ ಸತ್ಯಬೋಧಸ್ತೋತ್ರಮ್ ।।
अथ श्रीसत्यबोधस्तोत्रम्
श्रीसत्यबोधो निजकामधेनुर्मायातम:खंडनचंडभानु: ।
दुरंतपापप्रदहे कृशानुर्देयान्ममेष्टं गुरुराजसूनु: ।।१।।
श्रीसत्यबोधेतिपदाभिधान: सदा विशुद्धात्मधिया समान: ।
समस्तविद्वन्निचयप्रधानो देयान्ममेष्टं विबुधान् दधान: ।।२।।
रमाधिनाथार्हणवाणिजानि: स्वभक्तसंप्रापितदु:खहानि: ।
लसत्सरोजारुणनेत्रपाणिर्देयान्ममेष्टं शुभदैकवाणि: ।।३।।
भक्तेषु विन्यस्तकृपाकटाक्षो दुर्वादिविद्रावणदक्षदीक्ष: ।
समीहितार्थार्पणकल्पवृक्षो देयान्ममेष्टं कृतसर्वरक्ष: ।।४।।
श्रीमध्वदुग्धाब्धिविवर्धचंद्र: समस्तकल्याणगुणैकसांद्र: ।
निरंतराराधितरामचंद्रो देयान्ममेष्टं सुधियां महेंद्र: ।।५।।
निरंतरं यस्तु पठेदिमां शुभां श्रीश्रीनिवासार्पितपंचपद्यीम् ।
तस्य प्रसीदेत् गुरुराजहृद्ग: सीतासमेतो नितरां रघूत्तम: ।।६।।
।। इति श्री श्रीनिवासाचार्य कृतं श्री सत्यबोधस्तोत्रम् ।।
**********
No comments:
Post a Comment