ಇಂದಿರಾ ರಮಣ ಗೋವಿಂದ ನಿನ್ನಯ ಪಾದ purandara vittala INDIRA RAMANA GOVINDA NINNAYA PAADA

ಇಂದಿರಾರಮಣ ಗೋವಿಂದ ನಿನ್ನಯ ಪಾದ-
ದ್ವಂದ್ವವೆನಗೆ ಸಾಕೆಲೊ ||ಪ||
ಅಂದು ಬ್ರಹ್ಮಾಂಡವ ಸೀಳಿದಂಥ ಪಾದ
ಎಂದೆಂದು ಭಕುತರು ಲಾಲಿಸುವ ನಿನ್ನ ||ಅ||

ನಾರಾಯಣ ನಿನ್ನ ನಾಮವು ಅಜಮಿಳನ
ಘೋರಪಾಪವ ಅಟ್ಟಿತೊ
ಸಾರಿ ನಿನ್ನನು ಭಜಿಪ ಚಾರು ಭಕ್ತರಿಗೆ
ಕೋರಿದ ವರಗಳ ನೀಡುವ ದಾತನೆ ||

ಮುನಿಗಳು ತಮ್ಮ ತಮ್ಮ ಮನವನೆ ನಿಲ್ಲಿಸಿ
ಘನತರ ಮಹಿಮ ನಿನ್ನ
ನೆನೆವುತ್ತಿರಲು ಅವರ ಕಾವಲಾಗಿರುತಿದ್ದೆ
ಅನಾಥರಕ್ಷಕ ಕಾರುಣ್ಯಮೂರುತಿ ||

ಒಂದೆ ಮೂರುತಿಯಾಗಿ ಎಂದು ಇರುವನಾಗಿ
ಪೊಂದಿದೆ ಅನಂತ ರೂಪವೆಲ್ಲ
ಒಂದು ಅರಿಯದ ಎನ್ನ ಕಾಯಬೇಕೋ ಅಣ್ಣ
ತಂದೆ ಪುರಂದರ ವಿಠಲ ರಾಯನೆ ||
****

ರಾಗ ಆರಭಿ ಆದಿತಾಳ (raga tala may differ in audio)

pallavi

indirA ramaNa gOvinda ninnaya pAda dvandvavenage sAkelo

anupallavi

andu brahmANDava sILidantha pAda endendu bhakutaru lAlisuva ninna

caraNam 1

nArAyaNa ninna nAmavu ajamiLana ghOra pApava aTTito sari

ninnaya bhajipa cAru bhaktarige kOrida varagaLa nIDuva dAtane

caraNam 2

munigaLu tamma tamma manavane nillisi ghanatara mahima ninna

nenevuttiralu avara kAvalAgirutidde anAtha rakSaka kAruNya mUruti

caraNam 3

onde mUrutiyAgi endu iruvanAgi pondide anantara rUpavella

ondu ariyada enna kAya bEkO aNNa tande purandara viTTalarAyane

***