ಅಭಂಗ ವಿಟ್ಠಲಾ ಯೆನ್ನಭವ ಭಂಗಗೊಳಿಸೈ ankita mohana vittala

 ರಾಗ - : ತಾಳ -

ಅಭಂಗ ವಿಟ್ಠಲಾ ಯೆನ್ನಭವ ಭಂಗಗೊಳಿಸೈ l

ತ್ರಿಭುವನ ಪಾಲಕ ರಂಗ ನಿಜ ಭಕುತ ಸಂಗ ll ಪ Il

ಕಾಯಕದ ಭರದಿ ನಾಗೈವಪರಾಧಂಗಳ l 

ತಾಯಿಯ ತೆರದಾವಘಾಯವಾಗದಂತೆ ll

ಕಾಯಿದು ರಕ್ಷಿಪ ಅಪ್ರಾಕೃತ ಕಾಯ ನೀ ಸ l

ಮಯ ಕಾಯದಿರೆನಗೆ ಬೇರುಪಾಯ ಕಾಣೆ ll 1 ll 

ಆವೆಲ್ಲ ದೈವಗಳ ನಂಬಿ ಕೆಡಲೊಲ್ಲೆ ನಿನ್ನ l

ಭಾವದಿಂದಲಿ ನೋಡೆ ಸುಖವಿದೆಂದು ಬಲ್ಲೆ ll

ದಿವ್ಯ ಕರುಣತ್ವವಿಹ ನಿನ್ನಂಥ ದೇವರ ಈ l 

ಭುವನದೊಳಾವಲ್ಲಿ ಕಾಣೆನೆಂದರಿತು ಬಂದೆ ll 2 ll 

ತಿರುಗುವಂತೆ ಮಾಡೀಮನವ ನಿನ್ನ ಸುತ್ತ l 

ಕರಗಿ ಕೊರಗಲೀ ಕಾಯ ನಿನ್ನ ನಾಮಸ್ಮರಿಸುತ್ತ ll 

ಚಾರುಚರಿತ ಮುನಿ ಸ್ತೋತ್ರಪಾತ್ರಾ ಭವ l

ತಾರಕ ಸಿರಿ ಮೋಹನ್ನವಿಟ್ಠಲ ಕೃಪಾಂಬುಧೆ ll 3 ll

***