ತಿಳುಪಿದೆನು ಪರಮ ದಯದಿಂದ ತಿಳುಪಿದೆನು ಪರಮ ದಯದಿಂದ ankita vasudeva vittala

 ..

kruti by ವ್ಯಾಸತತ್ವಜ್ಞ ತೀರ್ಥರು vyasatatwajna teertharu 

ವಿಶೇಷಸಂದರ್ಭ ಹಾಡು

ತಿಳುಪಿದೆನು ಪರಮ ದಯದಿಂದ

ತಿಳುಪಿದೆನು ಪರಮ ದಯದಿಂದ ಮುಂದಣ ಕಾರ್ಯ

ಒಳಿತು ಬಿನ್ನಪವÀ ಲಾಲಿಸಲಿಬಹುದಯ್ಯ ಪ

ಸಕಲ ದೇಶ ಕಾಲದಲ್ಲಿಪ್ಪ ಸಜ್ಜನರ

ಸಕಲ ಪರಿಯಲಿಂದ ಪೊರೆವ ದಾತ

ಅಕಳಂಕ ನರಸಿಂಹ ಹೊರತಿಲ್ಲೆಂದು

ಸಕಲರೂ ಪೇಳಲು ಕೇಳ ಬಲ್ಲೆ 1

ಇನ್ನಾರು ತರುವಾಯ ದಶಮತಿಯ ರಾಗಮವ

ಚನ್ನಾಗಿ ಪೇಳುವೆನೆಂಬುದೊಂದು

ನಿನ್ನ ವಚನಂಗಳು ಪುಸಿಯಾಗಬಾರದು

ಮನ್ನದಲ್ಲಿ ನೋಡಿಕೋ ಕರುಣ ಸಿಂಧೋ 2

ಬಡವಗೆ ಮಾತುಗಳು ಕೊಟ್ಟಿನ್ನು ತಾವಾಗಿ

ಒಡೆಯರೇ ತಪ್ಪಿದರೆ ಏನಂಬರೊ

ಮಡಿಯ ಹೊರಳುವೆ ನಿನ್ನ ಅಡಿಗೆ ಬೀಳುವೆ ಸ್ವಾಮಿ

ಕಡೆ ಹಾಯಿಸೊ ರಂಗ ಎನ್ನಂತರಂಗ 3

ಜನನಿ ಕಾಣಳು ಕಣ್ಣು ಕಿವಿಯು ಕೇಳದು ಅಣ್ಣ

ತನಯರು ಇಂದಿಗೂ ಜನಿಸಲಿಲ್ಲ

ಮನದಲ್ಲಿ ಹಲವು ಹಂಬಲಗಳೋಲ್ಯಾಡುತಿವೆ

ಜನಕ ಜನನೀ ತನಯ ನೀ ಎನಗೆ 4

ಆಸು ಲೋಕಗಳೆಲ್ಲ ನಿನ್ನವೆ ಸರಿ ಸ್ವಾಮಿ

ವಾಸುದೇವವಿಠಲ ಬಹುಕಾಲದಿ

ಭೂಸುರನ ಮಾಡಿ ಪುಟ್ಟಿಸಿದರೆ ಚಿರಕಾಲ

ಈ ಸುಧಾಪಾನ ನೀ ಮಾಡಿಸೆನಗೆ

***