ಕಾಗೆ ಕೂಗಿತಲ್ಲ ಈಗ ಒಂದು ಕಾಗೆ ಕೂಗಿತಲ್ಲ purandara vittala

ರಾಗ ಪೂರ್ವಿ ಅಟತಾಳ

ಕಾಗೆ ಕೂಗಿತಲ್ಲ, ಈಗ ಒಂದು ಕಾಗೆ ಕೂಗಿತಲ್ಲ ||ಪ||

ಎಲ್ಲರೇಳದ ಮುನ್ನ ಗುಲ್ಲು ಮಾಡುತಲೆದ್ದು
ಚೆಲ್ಲಿದ ಧನಧಾನ್ಯವ ಮೆಲ್ಲುತ
ಮಲ್ಲಿಗೆ ಮುಡಿಯವರು ಮರೆದೊರಗಲು ಬೇಡಿ
ಫುಲ್ಲನಾಭನ ಪೂಜಾಸಮಯವಿದೆಂದು ||

ಯಾರು ಏಳದ ಮುನ್ನ ಓರಂತೆ ತಾನೆದ್ದು
ಕೇರಿಕೇರಿಯಲಿ ಸಂಚರಿಸುತ
ಓರೆ ಮೋರೆಯ ಮೂರು ಕಡೆಗೆ ತಿರುಗಿಸುತ್ತ
ಊರಿಂದ ಬರುವ ನೆಂಟರು ಪೇಳ್ವ ||

ಪಿತೃಗಳ ಕಾರ್ಯಕೆ ಅಗತ್ಯವಾಗೋದು
ಹತವಾದವರ ಕಾಂಕ್ಷಾ ತಿಳಿಸುವುದು
ಅತಿಹೇಯವಸ್ತು ಈ ಕಾಗೆಯೆನಲು ಬೇಡಿ
ಹಿತವಾದ ಶಕುನವ ನುಡಿವುದೀ ಕಾಗೆ ||

ಕಷ್ಟವ ಇಷ್ಟವನಿಷ್ಟವ ಸಾರುತ್ತ
ಸೃಷ್ಟಿಸಂಪದವ ಕೈಗೂಡಿಸುತ್ತ
ಶ್ರೇಷ್ಠ ಬ್ರಾಹ್ಮರ ಬಲಿಹರಣವ ತಿಂದು
ಪಟ್ಟಸಾಲೆ ಮೇಲೆ ಕೂಗುವ ಕಾಗೆ ||

ಮಂಗಳಮಹಿಮಗೆ ಮಹಲಕ್ಷ್ಮೀಯರಸಗೆ
ಹಿಂಗದೆ ಮಾನವಪ್ರಿಯನಿಗೆ
ಗಂಗೆಯ ಪಿತ ಶ್ರೀಪುರಂದರವಿಠಲನ್ನ
ಸಿಂಗಾರದ ಪೂಜೆಸಮಯವೆಂದು ||
***

pallavi

kAge kUgidalla Iga ondu kAge kUGidalla

caraNam 1

ellarELada munna gullu mADutaleddu cellida dhana dhAnyava melluta

mallige muDiyavaru maredoragalu bEDi pullanAbhana pUje maiyavidendu

caraNam 2

yAru Elada munna Oeante tAneddu kEri kEriyali sancarisuta

Ore mOreya mUru kaDEge tirugisutta Urinda baruva neNTaru baruvuda hELva

caraNam 3

pitrugaLa kAryakke agdyavAgOdu hatavAdavara kAngkSA tiLisuvudu

ati hEya vastu I kAgeyenalu bEDi hitavAda shakunava nuDivudi kAge

caraNam 4

kaSTava iSTavaniSTava sArutta shrSTi sampadava kai kUDisutta

shrESTa brAhmaNara baliharaNava tindu paTTasAle mEle kUguva kAge

caraNam 5

mangaLa mahimage mahalakSmiya rasage hingade mAnava prIyanige

gangeya pita shrI purandara viTTalanna singArada pUje samayavendu

***