ಇಕ್ಕೊ ನವನೀತ ಚೋರ ಸಿಕ್ಕಿದನಮ್ಮ purandara vittala

ರಾಗ ನವರೋಜು ಏಕತಾಳ

ಇಕ್ಕೊ ನವನೀತ ಚೋರ ಸಿಕ್ಕಿದನಮ್ಮ , ಹೆ-
ಮ್ಮಕ್ಕಳೆಲ್ಲರು ಕೂಡಿ ನಮ್ಮಕ್ಕರ ತೀರಿಸಿಕೊಂಬ ||ಪ||

ಅಂದು ಮೊದಲಾಗಿ ನಮ್ಮ
ಮಂದಿರದೊಳು ಪೊಕ್ಕು
ತಿಂದ ಮೀಸಲ ಬೆಣ್ಣೆ
ದಂಧೆ ಮಾಡಿ ಪೋದನಕ್ಕ , ಬಹು
ದಂಧೆ ಮಾಡಿ ಪೋದನಕ್ಕ ||

ಗಾಢದಿಂದಲಿವನ
ಹೆಡೆಮುಡಿಯ ಬಿಗಿದು ಕಟ್ಟಿ
ಒಡಿಹೋದರೆ ಸಿಕ್ಕ , ಕಿಡಿ-
ಗೇಡಿ ರಂಗನ ಬಿಡಬೇಡಿ , ಕಿಡಿ
ಗೇಡಿ ರಂಗನ ಬಿಡಬೇಡಿ ||

ಯಾರು ಇಲ್ಲದ ವೇಳೆ
ದಾರಿ ನೋಡುತ್ತಲಿವ
ಸೂರೆ ಮಾಡುವ ಹಾಲು ಮೊಸರು
ಚೋರ ರಂಗನ ಬಿಡಬೇಡಿರೆ
ಧೀರ ಕೃಷ್ಣನ ಬಿಡಬೇಡಿರೆ ||

ಗಂಡನಿಲ್ಲದ ವೇಳೆ ನೋಡಿ
ಭಂಡು ಮಾಡಿ ಸೀರೆ ಕದ್ದು-
ಕೊಂಡು ಹಾಲು ಕೆನೆಯ ಕದ್ದ
ಲಂಡ ರಂಗನ ಬಿಡಬೇಡಿರೆ
ಪುಂಡ ಕೃಷ್ಣನ ಬಿಡಬೇಡಿರೆ ||

ಕಾದುಕೊಂಡಿವ ಬಾಹೊ
ಹಾದಿಯ ನೋಡಿ ನಾ ದಣಿದೆ
ಆದುದೆಮ್ಮಯ ಕಾಮ ಸಾಧಿಸಿಕೊಂಬ
ಕ್ರೋಧ ಸಾಧಿಸಿಕೊಂಬ ||

ಒರಳಿಲಿ ಕಟ್ಟಿಸಿಕೊಂಡು
ಒರಳ ಕೊಂಡೋಡುವನಿಂಥ
ದುರುಳ ಕೃಷ್ಣನ ಬಿಡಬೇಡಿ
ಮರುಳ ಮಾಡಿ ಹೋದನಮ್ಮ
ಬಹು ಮೋಸ ಮಾಡಿ ಹೋದನಮ್ಮ ||

ಇಂದಿನ ದಿನ ಸುದಿನ
ಮಂದರಧರ ದೊರೆತ ಕಾರಣ
ತಂದೆ ಪುರಂದರ ವಿಠಲನ್ನ ಅಪ್ಪಿಕೊಂಬ
ಸಂತೋಷದಿಂದ ಅಪ್ಪಿಕೊಂಬ ||
***

pallavi

ikko navanItacOra sikkidanamma hemmakkaLellaru kUDi nammakkara dIrisikomba

caraNam 1

andu modalAgi namma mandiragaLella pokku tinda mIsala

beNNe tande mADi pOdanakka bahu tande mADi pOdanakka

caraNam 2

kADhadindalivana heDe muDiya bigidu kaTTi Odi hOdare

sikka kiDi gEDi rangana biDabEDi kiDi gEDi krSNana biDabEDi

caraNam 3

yAru illada vELeyali dAriya nODuttaliva sure mADuva

hAlu mosaru cOra rangana biDa bEDire dhIra krSNana biDa bEDire

caraNam 4

kaNDanillada vELe nODi bhaNDu mADi sIre kaddu koNdu hAlu

keneya kadda laNDa rangana biDa bEDire puNDa krSNana biDa bEDire

caraNam 5

kAdu koNDiva bAho hAdiya nODi nA daNide Adudemmeya

kAma sAdhisi komba krOdha sAdhisi komba

caraNam 6

oraLili kaTTisi koNDu oraLa koNDoDuvaninda maruLu mADi

hOdanamma bahu mOsa mADi hOdanamma duruLa krSNana biDa bEDi

caraNam 7

indina dina sudina mandaradhara toreda kAraNa tande

purandara viTTalanna appikomba santOSadinda appi komba

***