ನಿನ್ನ ಅಂಗಳದೊಳಗೆ ಹಿಡಿ ಅನ್ನ ಹಾಕೊ ಘನ್ನ ಗುರು ankita vittalesha NINNA ANGALADOLAGE HIDI ANNA HAAKO GHANNA GURU

ನಿನ್ನ ಅಂಗಳದೊಳಗೆ ಹಿಡಿ ಅನ್ನ ಹಾಕೊ

ಘನ್ನ ಗುರು ಶ್ರೀರಾಘವೇಂದ್ರ ಸಂಪನ್ನಾ ಪ

ವರುಷವರುಷಕೆ ನಿನ್ನ ದರುಶನವ ದಯಮಾಡೊ

ದುರಿತನಾಶನಗೈದು ಪರಿಶುದ್ಧಗೊಳಿಸೊ

ಅರಿತುಅರಿಯದೆಗೈದ ಪಾಪಕರ್ಮವ ಕಳೆದು

ನಿರುತ ಶ್ರೀಹರಿಕೃಪೆಗೆಪಾತ್ರನಾಗಿರಿಸೊ 1

ನಿನ್ನ ಭಕುತರ ಪಾದರಜದೊಳೀಡಾಡಿಸೊ

ನಿನ್ನ ಗುಣಕೀರ್ತನೆಯ ಕಿವಿಗಳಲಿ ನಿಲಿಸೊ

ನಿನ್ನ ಪಾದೋದಕದಿ ಪಾವನ್ನ ಮಾಡೆನ್ನ

ನಿನ್ನ ರಘುಪತಿ ದಿವ್ಯದರುಶನವ ಕೊಡಿಸೊ 2

ಮಂತ್ರಸದನ ನಿನ್ನ ಸಂತಸ ಮಹೋತ್ಸವದಿ

ಶಾಂತಿ ಸುಖ ಸಂಭ್ರಮದ ಸನ್ನಿಧಿಯೊಳಿರಿಸೊ

ಸಂತ ಶರಣರ ಭಕುತಿ ನೃತ್ಯಗೀತೆಗಳಲ್ಲಿ

ನಿಂತು ನಲಿಯುವ ಭಾಗ್ಯ ಕೊಡು ಎನಗೆ ಪ್ರಭುವೆ 3

ಪ್ರಹ್ಲಾದರಾಜ ನೀ ಬಲ್ಲಿದನು ಜಗದೊಳಗೆ

ನಿಲ್ಲದೇ ಕಾಯ್ವ ನರಹರಿ ದೂತನಹುದೊ

ಎಲ್ಲ ರಾಜರರಾಜ ವ್ಯಾಸರಾಜನೆ ಸತ್ಯ

ಇಲ್ಲಿ ಶ್ರೀ ಪರಿಮಳಾರ್ಯರ ಮಹಿಮೆ ಸ್ತುತ್ಯ 4

ಏನು ಬೇಡಲಿ ನಾನು ದಾನಿ ಕರ್ಣನೆ ನಿನ್ನ

ಜ್ಞಾನಿಸದ್ಗುರು ಕಲ್ಪವೃಕ್ಷ ಸುರಧೇನು

ದೀನರಕ್ಷಕ ವಿಠಲೇಶ ಕರುಣಾಭರಣ

ಸಾನುರಾಗದಿ ನಿನ್ನ ಸೇವಕರೊಳಿರಿಸೊ 5

***

 ankita ವಿಠಲೇಶ  

ರಾಗ: ಸಾರಂಗ ತಾಳ: ಝಂಪೆ (raga tala may differ in audio)