ಉಗಾಭೋಗ ugabhoga ankita vijaya vittala

 ಶ್ರೀ ವಿಜಯದಾಸರ ಉಗಾಭೋಗ

ಆಪತ್ತು ಪರಿಹಾರ ಪ್ರಾರ್ಥನಾ ಸ್ತೋತ್ರ

ಒಂದು ಕೈಯಲಿ ಖಡ್ಗ 

ಒಂದು ಕೈಯಲಿ ಹಲಗೆ |

ಅಂದವಾಗಿ ಪಿಡಿದುಕೊಂಡು ದಿವಾರಾತ್ರಿಯಲಿ |

ಒಂದು ಬದಿಯಲಿ ನಿತ್ಯ ಬಾರಾಸನಾಗಿ  ನಿಂದು |

ಹಿಂದು ಮುಂದು ಉಪದ್ರವವಾಗದಂತೆ |

ಇಂದಿರೆರಮಣ ಕಾಯುತ್ತಲಿರೆ |

ಎನ್ನಗಾವ ಬಂಧಕಗಳು 

ಇಲ್ಲ ಧನ್ಯ ಧನ್ಯ ಕಂದರ್ಪನಯ್ಯಾ ಸಿರಿ ವಿಜಯವಿಠಲರೇಯ |

ದೇವಾ...

ಎಂದೆಂದಿಗಾಪತ್ತು 

ಬರಲೀಯ ನೋಡಿ || ಸಂಪೂರ್ಣಂ

***

ಅನಂತ ಕಲ್ಪಕ್ಕೆ ನಿನ್ನ ಮೊರೆ ಬಿದ್ದವಗೆ | ಖಿನ್ನತೆಯಿಲ್ಲ ವೆಂಬುದ ಕೇಳಿ ಬಲ್ಲೆ | ಚಿಣ್ಣ ಧ್ರುವ ಪ್ರಹ್ಲಾದ ಮೊದಲಾದ ಭಕ್ತರ | ಘನತೆ ಏನೆಂಬೆ ಲೋಕದಲ್ಲಿ | ಮನ್ನಿಸೋ ಮಹರಾಯಾ  ವಿಜಯವಿಠಲರೇಯ  ಬಿನ್ನಪ ಕೈ ಕೊಂಡು 

ಭಕ್ತನ ಪಾಲಿಸೋ ||

***

ಅಬಲೆಯ ಮಾತಿಗೆ 

ಮನಸು ಕರಗಿತು |

 ನಿನ್ನ ಅಬುಜ ಪಾದಕೆ 

ಬಿಡದೆ ಬಿನ್ನಿಸಿದೆ 

ಪ್ರಬಲ ನೀನಾದ ಕಾರಣದಿಂದ ಚನ್ನಾಗಿ ವಿಬುಧೇಶ 

ನಾನಾ ರೋಗ 

ವಿನಾಶನನೆ ಶುಭವೆ

 ಕೊಡು ಜೀಯ ನಿನಗಲ್ಲದೆ ಅನ್ಯ ವಿಭುಗಳಿಗೆ ಶರಣೆನ್ನೆ ಸರ್ವಕಾಲ ಶಬದ ಮಾತುರವಲ್ಲ ಅಂತರಂಗದ ಸ್ತೋತ್ರ ಶಬರಿಗೆ ಒಲಿದವನೆ ಸತ್ಯಮೂರ್ತಿ ಕುಬುಜಿಯ ತಿದ್ದಿದ ವಿಜಯವಿಠಲರೇಯ ನಿಬಿಡ ಕರುಣಾಂಬುಧಿ 

ಮಹ ದುರಿತಾರಿಗೆ ll

***

       

ಸ್ನಾನ ಮಾಡಿದರಿನ್ನೇನು ಫಲವೋ

ಮೌನ ಮಾಡಿದರಿನ್ನೇನು ಫಲವೋ

ದಾನ ಮಾಡಿದರಿನ್ನೇನು ಫಲವೋ

ಸ್ನಾನ ಮೌನ ದಾನ ನಾನಾಕವೆಲ್ಲ

ಭಾನು ಉದಯದಲಿ ನೀನೆದ್ದು ಭಕುತಲಿ

ಶ್ರೀ ನಾರಾಯಣನೆಂಬೋ ನಾಮಾ

ಆನಂದವಾಗಿ ಒಮ್ಮೆ ಕೊನೆನಾಲಿಗೆಯಿಂದ

ನೀ ನೆನೆಯೊ ನೀ 

ನೆನೆಯೊ ಮನವೆ

ಸ್ನಾನ ಮಾಡಿದರಿನ್ನೇನು ಫಲ ಜ್ಞಾನಗೋಚರ

 ವಿಜಯವಿಠಲನ್ನ

ಧ್ಯಾನದಲ್ಲಿ ಒಮ್ಮೆ 

ನೆನೆದರೆ ಸಾಕು

ಸ್ನಾನ ಮಾಡಿದರಿನ್ನೇನುಂಟು

***

ಆ ವಿಜಯವಿಠಲನ್ನ ಚರಣವಿರಲು ಕಾವರಾರೆಂದು ಇನ್ಯಾಕೆ ಮರಗುವಿ ಪ್ರಾಣಿ

 ಕ್ಷೀರವಾರಿಧಿ ತಡೆಯ ಸೇರಿ ಮನಗಟ್ಟಿಕೊಂಡು 

ನೀರ ಮಜ್ಜಿಗೆ ಕಾಣದಳುವದೇನೋ

 ಸಾರಿದರೆ ನಿನ್ನ ಕುಲ ಸಹಿತಕ್ಕೆ ಸುಖವೀವ ನಾರದವರದ ಸಿರಿ ವಿಜಯವಿಠಲ 

ಎನ್ನ ಸ್ವಾಮಿ  ||

***

       

ಜಠರವನು ಕೈಲಮಕಿ 

ಜುಣು ಜುಣುಗಿ ಮೆಲ್ಲನೆ

ನಿಟಿಲವನು ನರನ ಚರಣದಲಿಟ್ಟು

ಗಿಟಿಕಿರಿದು ಹಲ್ಲನು ಗಿದ್ಧನಾ ಕೊಡು ಎಂದು

ಪಟುವಾಗಿ ಕಾಯದೊಳಗಳುಕಿಕೊಳುತ

ಕಟುಕರಂಗಡಿ ಮುಂದೆ ಕಾಯ್ದ ನಾಯಿಯಂತೆ

ಗುಟುಕುಗಳು ಉಗುಳದಲೆ ನುಂಗಿಕೊಳುತಾ

ಅಕಟಕಟಾ ಹೀಗೆ ಮಾಡುವರೇನೊ  ಹೇ

ವಿಜಯವಿಠ್ಠಲ

ನಿನಗಿನಿತು ಕರುಣವು ಇಲ್ಲವೋ ll

***

 ಉದ್ದಾರದ ಮಾರ್ಗ 

ಧರ್ಮ ಮರೆಯದಿರು ನಿರ್ಮತ್ಸರದಲ್ಲಿರು

 ಕರ್ಮರ ಕೊಡದಿರು ದುರ್ಮತಿಯಾಗದಿರು

 ದುರ್ಮದದಿರದಿರು ದುರ್ಮಾಯಾ ಬಯಸದಿರು

 ನಿರ್ಮಳ ತೊರಿಯದಿರು ಮಾರ್ಮಲತು ನುಡಿಯದಿರು

 ಮರ್ಮವ ಹೇಳದಿರು ವರ್ಮವ ಬಿಡದಿರು

 ಚರ್ಮ ದೇಹಕ್ಕೆ ಒಂದು ಮಾರ್ಗವ ತಿಳಿಯೋದು

 ಕರ್ಮದಾರಿಯ ಬಿಡು ಧರ್ಮನು ಮೆಚ್ಚುವನು

 ಪೆರ್ಮಿ ಎಂಬೊದು ದಾಟಿ ದುರ್ಮಾರ್ಗ ಪಿಡಿಯದಿರು

 ನಿರ್ಮಳವಾಗಿದ್ದ ಅರ್ಮಿಪುರವ ಸೇರು

 ಕೂರ್ಮಾವತಾರ ನಮ್ಮ ವಿಜಯವಿಠಲನ್ನ ಸತ್ಕರ್ಮವ ನೆನೆದು ಅಧರ್ಮವ ಕಳಿಯೊ ll

***

ರುದ್ರಾಂತರ್ಗತ ನಾರಸಿಂಹ ರೋಗನಿವಾರಣ ಭದ್ರವಾಗಲಿ ಇವಗೆ ಇವನ ಪತ್ನಿ ಆದ್ರಳಾಗಿ ಚಾಲ್ವರಿದು ವಂದಿಪಳು ಸ ಮುದ್ರ ಶಾಯಿ ಇವಳ ಮಂಗಳ ಸೂತ್ರ ನಿದ್ರೆಯೊಳಗಾದರು ಸ್ಥಿರವಾಗಿರಲಿ ಉ ಪದ್ರಗಳು ಬಂದರು ಪರಿಹರಿಸು ಅದ್ರಿ ಧರಿಸಿ ಗೋಕುಲ ಕಾಯ್ದ ಕರುಣಾಸ ಮುದ್ರ ಆಪತ್ಕಾಲ ಬಾಂಧವನೆ ಕ್ಷುದ್ರ ದೇವತೆಗಳಿಗೆ ಶಕ್ತಿ ಈ ಪರಿಯುಂಟೆ ಛಿದ್ರ ಸಾಸಿರವಿರೆ ಕ್ಷಮಿಸಬೇಕು ಮುದ್ರೆಧರರಪಾಲ ವಿಜಯವಿಠಲನೆ 

ದಾರಿದ್ರ ಭಂಜನ ಎನಗೆ ಇದೆ ಮಾತುರ ಕೊಡೊ. ||

***

ಅಡಿಗಡಿಗೆ ನಾ ನಿನ್ನ ಅಡಿಗಳನೆ ನಂಬಿದೆ

 ತೋರಯ್ಯ ಎನಗೆ 

ಸುಚಿತ್ತ ಚಿತ್ತಜನಯ್ಯ

 ಎಡಬಿಡದೆ ನಿನ್ನಂಫ್ರಿ ಚೆನ್ನಾಗಿ ಪೂಜಿಸಿ

ಎಡೆಗಡಿಪ ಲಿಂಗವನ್ನು ಬಂಧಿಸಿಕೊಂಡು

 ಬಡಿವಾರ ನಿನ್ನವನೆಂಬೋ ಮಾತನೆ ಕೇಳಿ 

ಸಡಗರದಿ ಮೆರೆವ 

ದಾಸನ್ನ ಮಾಡಯ್ಯ

 ಬಿಡೌಜಪತಿ

 ಸಿರಿ ವಿಜಯವಿಠಲ ಸ್ವಾಮಿ ಬರಿಸೋ ಬರಿಸೋ 

ನಿನ್ನ ಸ್ಮರಣೆ | l

***

ಕಾಲಕಾಲಕ್ಕೆ ನಿನ್ನ ನಾಮದ ಸ್ಮರಣೆಯನು ನಾಲಿಗೆಗೆ ಕೊಡು ಕಂಡ್ಯ ನಾರಾಯಣನೆ ಕೀಳುಮತಿಯನೆ ಬಿಡಿಸೊ ಕೀರ್ತನೆಯ ಮಾಡಿಸೋ ನಿನ್ನಾಳುಗಳೊಳಗೆ ಊಳಿಗವನಿತ್ತು ಪಾಲಿಸೊ ಬಳಲಿದೆನೊ ಭವದೊಳಗೆ ಬಿದ್ದು ಬ ಯಲಾಸೆಯಲಿ 

ನಾ ಕಾಲವ ಕಳೆದೆ ಪಾಲಸಾಗರಶಾಯಿ ವಿಜಯವಿಠಲ 

ನಿನ್ನ ಪಾಲಿಗೆ ಬಂದೆನೊ ಪರಮಪುರುಷ ಹರೇ ।l

***

ಹರಿದಾಸರೊಂದು ಚರಣವಿಟ್ಟ ಭೂಮಿ | ಕುರಕ್ಷೇತ್ರಕಧಿಕವೆಂದೆನಿಸವುದು |

 ಹರಿದಾಸರ ಪಾದಧೂಳಿ ಸೋಂಕಲು ಮಹ ದುರಿತ ಶೈಲಂಗಳು ಉರುಳುವವೊ |

 ಹರಿದಾಸರ ಸಂಗ ನಿರುತ ನಿರ್ಮಳಾಂಗ | 

ಸುರರಿಗಧಿಕ ಮುಪ್ಪುರ ದೊಳಗೆ | ಪುರುಷನಾಮಕ ರಂಗ ವಿಜಯವಿಠಲನ್ನ ಶರಣರ ನಂಬಲು ಸಂಸಾರ ಹರವೊ l l

****

              

ಈ ಕಲ್ಪಸಾಧನ ಅಪರೋಕ ನಂತರದಲಿ

ಬ್ರಹ್ಮ ಮೊದಲು ಮಾಡಿ ತೃಣ ಜೀವ ಪರಿಯಂತರ

ಅವರ ಯೋಗ್ಯತೆ ಸಾಧನ ಹೇಳಿ

ಅದೇ ಇದು ಎಷ್ಟು ಆಯಿತೆಂದರೆ, ಎರೆಡು ಮಹಪದ್ಮ

ಆರೈವತ್ತು ಪದ್ಮ, ಎರೆಡು ಅರ್ಭುದ, ಆರೈವತ್ತಾರು ಕೋಟಿ

ವರುಷವಾಯಿತು ಶ್ರೀ ವಿಜಯವಿಠಲ ||

***

ಉಪವಾಸವಿದ್ದವಗೆ ಊರು ತುಂಬಿದರೇನು

ಅಪಹಾಸಗೊಳಿಸುವ ಗೆಳೆಯನಾದರೆ ಏನು

ಕುಪಿತವ ಬಿಡದವನು ಕುಲಜನಾದರೇನು

ಕಪಟವ ಬಿಡದವನ ಕೂಡ ಉಂಡರೇನು

ಕೃಪೆ ಮಾಡದವನ ಕಾಲಿಗೆ ಬಿದ್ದರೇನು

ತಪಸೊಗಳೊಡೆಯ ನಮ್ಮ ವಿಜಯವಿಠಲರೇಯ |

***

ಋಷಿಗಳ ಋಣ ಪೂರ್ವಾಶ್ರಮದಿಂದ ಪರಿಹಾರ ಶ್ರೀ=

ದಶರ ಋಣ ಮೇಧಾದಿಗಳು ಮಾಡೆ

ಆಸುಸಂಬಂಧಿಗಳ ಋಣ ಗೃಹಸ್ತಾಶ್ರಮದಲಿ

ಪುಸಿಯಲ್ಲ ತಿದ್ದಿ ಹೋಗುವುದು ಸಿದ್ಧ

ವಸುಧೆಯೊಳಗೆ ಒಂದು ಕಾಸು ಕೊಟ್ಟವನ ಋಣ

ವಸುಧೆಯೆಲ್ಲ ತಿರುಗೆ ಪೋಗದಯ್ಯ

ಪಶುಪಾಲ ಅವ್ಯಯಾತ್ಮ ವಿಜಯವಿಠಲ ರಂಗ

ಬಸುರೊಳು ಪೊಗಲಿಟ್ಟು ಬೆಸಸದೆ ಬಿಡದಯ್ಯ ||

***

ಅನಿಲದೇವನು, ದಾಹಕನಹುದೋ ಎಂದಿಗೂ

ಮನಬಲ್ಲದುಕಾಣೋ, ತ್ರಿಜಗದಲಿ

ಅನುದಿನದಲಿ ತನ್ನಿಂದನುವಾದ ವಸ್ತ್ರ-

ಕ್ಷಣದೊಳಗೆ ದಹಿಸಿಬಿಡುವನುಕಾಣಿರೋ

ವಿನಯದಿಂದಲಿ ತಾನು ಇಟ್ಟ ತೊಟ್ಟ ಉಟ್ಟ

ಮಣಿಭೂಷಣ ವಸನವ ದಹಿಸಿಕೊಂಬನೇನೋ

ವನಜನಾಭನು ಪಾವಕಸ್ಥಾನೀಯಾದಡೆ

ನೆನಸಿ ಮೊರೆ ಪೊಕ್ಕವರ ಪೆಸರುಗಳನು

ಘನದುರಿತವ ಸುಟ್ಟು, ದಾನವರ ಪುಡಿಮಾಡಿ

ಪ್ರಣತಜನರ ಅರ್ಥಿ ಕಳೆವ, ಪೊಳೆವ

ಫಣಿಶಾಯಿ ವಿಜಯವಿಠಲರೇಯ, ಕಾರುಣ್ಯ

ವನಧಿ ಕಾಣೊ, ಭಕ್ತರಿಗೆ ಪ್ರಾಣಪದಕ ||

***

ಅನಂತ ಅಪರಾಧ ಮಾಡಿದ ಕಾಲಕ್ಕೂ

ನೀನೆಣಿಸುವನಲ್ಲ ಸತ್ಯಕಾಮಧೇನೆಂದು

ಶ್ರೀನಾರಿ ಬೊಮ್ಮ ಮಹೇಂದ್ರಾದ್ಯರು ನಿತ್ಯ

ಎಣಿಕೆ ಮಾಳ್ಪರು ಎಲ್ಲೆಲ್ಲಿ ನಿರೀಕ್ಷಿಸಿ

ಮಾಣದೆ ಮತಿಯಿಂದ ತಲೆದೂಗಿ

ಅನುಭವ ಏನೆಂಬೆ ನಿನ್ನಯ ಬಲುಪ್ರತಾಪಕ್ಕೆ

ಮಾನವ ಗುಣಿಸಿ ನೆಲೆಗಾಣಬಲ್ಲನೆ

ಮೇನು ಗಿರಿಜೇಶಗೆ ಕಾಶಿಪಟ್ಟಣದಲಿ

ನೀ ನಿಲಿಸಿದೆ ಬ್ರಹ್ಮತ್ಯವ ಓಡಿಸಿ ಆನಂದ

ವನವಾಸ ವಿಜಯವಿಠಲರೇಯ ಜಾಹ್ನವೀ ಪಡೆದೆ ||

***

ಅನಂತ ಕಾಲ್ಪಕ್ಕೆ ನಿನ್ನ ಮೊರೆಬಿದ್ದವಗೆ

ಖಿನ್ನವಿಲ್ಲಬೆಂಬುದ ಕೇಳಿ ಬಲ್ಲೆ

ಚಿನ್ನ ಧ್ರುವ ಪ್ರಹ್ಲಾದ ಮೊದಲಾದ ಭಕುತರ

ಘನ್ನತೆ ಏನೆಂಬೆ ಲೋಕದಲಿ

ಮನ್ನಿಸು ಮಹರಾಯ ವಿಜಯವಿಠಲರೇಯ

ಬಿನ್ನಹ ಕೈಕೊಂಡು ಭಕುತನ್ನ ಪಾಲಿಸು ||

***

ಆಕಳಿಗೆ ಕರುವುಗಳು ಏಸು ಇಪ್ಪಾವೆಂದು

ಲೋಕದೊಳು ಕೇಳಿದರೆ  ಜನ ಒಪ್ಪೋದು

ಈ ಕರುವಿಗೆ ಎಷ್ಟು ಆಕಳುಗಳುಂಟೆಂದು

ವಾಕು ಬೆಸಗೊಂಡರೆ ಜನಮೆಚ್ಚುವುದೆ

ಶ್ರೀಕಾಂತ ನಿನಗಿಂದು 

ಉತ್ತರ ಕೊಡಲಾಪನೆ 

ಸಾಕುವ ದೊರೆಗಳು ಎಷ್ಟೆಂದು

ನೀ ಕೇಳಿದದಕೆ ಸೋಜಿಗವಾಗಿದೆ ಎನಗೆ

ಸಾಕುವರು ನಿನ್ನ ವಿನಾ ಉಂಟೇನಯ್ಯಾ

ಬಾಕುಳಿಗ ಮಾನವರು ಎನ್ನಂಥವರು ನಿನಗೆ

ನೇಕ ಜನ ತುಂಬಿಹದು ನೋಡಿದಲ್ಲಿ

ಏಕೋ ಸ್ವಾಮಿ ನೀನೆ ಎನಗೋವ೯ನಲ್ಲದೆ

ನಾ ಕಾಣೆ ಇನ್ನೊಂದು 

ನಿನ್ನ ಸಮನಾ

ಶ್ರೀ ಕಳತ್ರ 

 ವಿಜಯವಿಠಲ ವೆಂಕಟರಾಯ

ಯಾಕೆ ಎನ್ನೊಡನೆ 

ಈ ಮಾತು ಸೊಗಸೆ

***

ಅನುಭವವಾದ ಭಕುತಿ

 ಅನುಭವವಾದ ಜ್ಞಾನ

 ಅನುಭವವಾದ ವಿರಕುತಿ ಇತ್ತು ಅನುದಿನದಲಿ ನಿನ್ನ ದಾಸರ ದಾಸನ

 ಅನುಗ್ರಹದಲ್ಲಿಯಿದ್ದು ಇರಳು ಹಗಲು 

ಅನುಚಿತ ಕರ್ಮದ ಹೊಳೆತ ಮರೆದು ಸದಾ ಅನುಮಾನತೀರ್ಥರ ಮತದವರ ಅನುಸರಿಸಿ

 ಪಂಚಭೇದವೆ ತಿಳಿದು ಆವಾಗ ಅನುಗುಣ್ಯನಾಗಿ ಸುಮಾರ್ಗವಿಡಿದು

 ಅನುಪತ್ಯ ಇದರೊಳು ಒಂದಕ್ಕಾದರೂ ಎನಗೆ ಅನುಮಾನಾ ವಾಗದಂತೀಯೋ ಮನಸು

 ಅನುಪಮ ಚರಿತ ಶ್ರೀವಿಜಯವಿಠಲರೇಯ ಅನುಜನಾಗಿ ಸುರಪತಿಯ ಕಾಯ್ದ ದೇವ ||

***

ದೂರದಲ್ಲಿದ್ದೀಯೇನೋ ಮೊರೆಯಿಟ್ಟು ಬೇಡಿದರೆ

ಆರು ನೀನೆಂದು ಕೇಳದಿಪ್ಪುದು ಸರಿಯೆ

ದರಿದ್ರನ ಸೊಲ್ಲು ವ್ಯರ್ಥವಾಗಿದೆ ನೋಡು

ತಿರುಗಿ ಕೂಗಿದ್ದರಿಂದಲೇನಾಹುದೊ

ಧೀರ ನೀ ಕುರುಡನೊ ಮೂಕನೊ ಬಧಿರನೊ

ಕೀರುತಿ ಒಲ್ಲೆನೆಂಬೊ ಮೌಪವೋ ಏನಿದು

ಧಾರಿಣಿಯೊಳಿದ್ದವರ 

ನೋಡೆ ನಾನೊಬ್ಬನೆ

ಭಾರವೇನೊ ತಂದೆ ಅಕಟಕಟ

ಸಾರಿದವರ ಪೊರೆವ ವಿಜಯವಿಠಲ 

ನಿನ್ನ ಕಾರುಣ್ಯಕೆ 

ನಾನೊಬ್ಬನೆ ಎರವೆ

***

ಮಂಗಳಪ್ರದ ನಿನ್ನ 

ಭಜಿಸಿದ ಜನರ

ಸಂಗದಲ್ಲಿದ್ದ ಮಾನವಗೆ ಸತತ

ಮಂಗಳವಲ್ಲದೆ ಲೇಶ ಕ್ಲೇಶಪಾಶಗಳಿಲ್ಲ

ತುಂಗ ಮಂಗಳ ತರಂಗವಾರ್ಧಿ ಚಂದ್ರಾ

ಹಿಂಗಳೆದು ರೋಗವನು ಹಿರಿದಾಗಿ ಬ್ರಾಹ್ಮಣಗೆ

ಅಂಗ ಆರೋಗ್ಯವಾಗಲಿ ಅಂಗನೆ

ಗಂಗಾಜನಕ ನಮ್ಮ ವಿಜಯವಿಠ್ಠಲ 

ನಿನ್ನ ಅಂಘ್ರಿ ಧ್ಯಾನವೆ ಸರ್ವಾರಿಷ್ಟ ನಾಶ ||

***

ಕಾಮಕ್ರೋಧದಲಿ 

ತಿರಗಲು ಮಡಿಯಲ್ಲಾ |

 ಕಾಮನ ಬಳಗಕ್ಕೆ 

ಸೋಲಲು ಮಡಿಯಲ್ಲಾ

 ತಾಮಸ ಮತಿಯಲಿ 

ಇದ್ದರು ಮಡಿಯಲ್ಲಾ 

ಹೇಮವ ಬಯಕೆಯಲಿ ಚರಿಸಲು ಮಡಿಯಲ್ಲಾ

 ಸ್ವಾಮಿದ್ರೋಹವ ಮಾಡಿ ನಡೆದರೆ ಮಡಿಯಲ್ಲ 

ಯಾಮ ಯಾಮಕೆ ಹರಿಯ ಮರೆದರೆ ಮಡಿಯಲ್ಲ

 ನಾಮವ ಧರಿಸದಿದ್ದರೆ ಅದು ಮಡಿಯಲ್ಲಾ

 ನೇಮ ನಿತ್ಯಗಳು 

ತೊರೆದರೆ ಮಡಿಯಲ್ಲ 

ಭೂಮಿ ಪಾಲಕ ನಮ್ಮ ವಿಜಯವಿಠಲರೇಯನ | ನಾಮವನು ಮರೆದವನು ಎಂದಿಗೆ ಮಡಿಯಲ್ಲ ||

***

 

ಕುಲಿಶ ನಂಬಿದ ನರಗೆ 

ಶೈಲದ ಭಯವುಂಟೆ |

ಜಲಧಿ ನೆಲೆ ಬಲ್ಲವಗೆ ಕೊಳಚೆ ನೀರಿನ ಭೀತೆ

ಛಲದಂಕ ವಿಜಯವಿಠಲ ನಿನ್ನ ನೆನೆಯಲು

ಕೆಲಕಾಲಾರ್ಜಿಸಿದ ದುರಿತಗಳು ನಿಲ್ಲೋವೆ ll

***

 

ಈ ಕಲ್ಪ ಸಾಧನೆ 

ಅಪರೋಕ್ಷ ನಂತರದಲ್ಲಿ

ಬ್ರಹ್ಮ ಮೊದಲು ಮಾಡಿ 

ತೃಣ ಜೀವ ಪರಿಯಂತರಾ

ಅವರ ಯೋಗ್ಯತೆ 

ಸಾಧನ ಹೇಳಿ

ಅದೆ ಇದು ಎಷ್ಟಾಯಿತೆಂದರೆ ಎರಡು ಮಹಪದ್ಮ

ಆರೈವತ್ತು ಪದ್ಮ ಎರಡು ಮಹ ಖರ್ವ ಏಳು ಖರ್ವ ಒಂದು ನಿರ್ಬುದ ಆರೈವತ್ತಾರು ಕೋಟಿ ವರುಷವಾಯಿತು 

ಶ್ರೀ ವಿಜಯವಿಠಲ||

***

ಒಬ್ಬ ಸತಿ ಪತಿಗಾಗಿ ಮುನಿಯ ಶಾಪವ ಧರಿಸಿ

ಅಬ್ಜ ಬಾಂಧವನ ನಿಲಿಸಿದಳು ನೋಡಾ

ಒಬ್ಬ ಸತಿ ಪತಿಗಾಗಿ ಧರ್ಮನ ಸಭೆಯ ಸಾರಿ

ನಿಬ್ಬರದಿ ಪ್ರಾಣವನು ಪಡೆದಳು ನೋಡಾ

ಒಬ್ಬ ಸತಿಪತಿಗಾಗಿ ಚಿತ್ರಗುಪ್ತರಾಡಿದಾ

ಶಬ್ದ ಲಾಲಿಸಿ ಐದೆತನ ಪಡೆದಳು

ಉರ್ಬಿಯೊಳಗೀಪರಿ ಸತಿಯರ ಸ್ವಧರ್ಮ

ನಿಬ್ಬಿಡಿಯಾಗಿದೆ ನಿನ್ನ ದಯದಿ

ಅಬ್ಜನಾಭನೆ ಇವನ ಮೇಲೆ ದಯಮಾಡು ಕರು

ಣಾಬ್ಧಿಯೆ ಉಪೇಕ್ಷೆ ಮಾಡದಲೆ

ಅಬ್ಬರ ದೈವ ವಿಜಯವಿಠಲರೇಯ

ಲಬ್ಧವಾಗಲಿ ನಾನು 

ಬೇಡಿದ ವರವು ||

***

ಮುಕುತಿ ಬೇಡ ಬಂದಿಲ್ಲ

ಹಿಂದೆಪಟ್ಟಾ ಕ್ಲೇಶಾ ಪೋಗಾಡು ಎನ್ನಲಿಲ್ಲ

ಮುಂದಾಗುವ ವಿಹಿತ ಅನುಭವವಾಗಲಿ ಎಂದು

ಅಂದಿಗಾವದು 

ಎಂದಿಗೆ ಬಪ್ಪದೆ

ವಂದಿಸಿ ನಿನಗಿನ್ನು ದ್ವಂದ್ವಕರವ ಮುಗಿದು

ಒಂದೆ ಬಿನ್ನೈಸುವೆ 

ಒಂದೆ ದೈವ

ಎಂದೆಂದಿಗೆ ನಿನ್ನ ದಾಸರ ದಾಸನಾದೆ

ಮುಂದೆ ಕಾಯ್ದು ನಿತ್ಯ ಅವರೆಡೆಯ ಎಂಜಲು

ತಿಂದು ಬದುಕಿ ನಿನ್ನ ಕೊಂಡಾಡುವಂತೆ ಮಾಡು

ಕಂದರ್ಪಪಿತ ನಮ್ಮ ವಿಜಯವಿಠರೇಯ ||

***

ನಾರಾಯಣನ 

ನಾಮಕೆ ಇತರ ನಾಮಗಳೆಣೆಯುಂಟೆ ತಾರತಮ್ಯದಿ ದೇವತೆಗಳೊಳಗೆ 

ಹಿರಿತನಕೆ

 ಸಮವುಂಟೆ

 ಧಾರುಣಿಯೊಳಗನ್ನದಾನಕೆ ಸಮಾನ ಉಂಟೆ ಧೀರ 

ವಿಜಯವಿಠಲನ್ನ ದ್ವಾದಶಿ ತಿಥಿಗೆ ಸಮವುಂಟೆ l l

***

ಷಡುರಸಾಯನ ಹೊನ್ನ ಹರಿವಾಣದೊಳು

ಬಡಿಸಲಾದ[ರದಿ] ದಿಂದ ಒಡನೆ ನೋಡಿ

ಎಡೆಯೊಳಗೆ ಒಂದು ನೊಣ ಕೆಡಹದಂತೆ ರುಚಿ

ಒಡಲ ತುಂಬ ಮೆದ್ದು ಸಡಗರದಲಿ

ಕಡು ತೃಪ್ತಿಯಾಗಿ ತಾ ಕಡೆಗೆದ್ದು ಪೋಗುವಾಗ

ಬಡಿದು ನೊಣನ ತಿಂದು ಹೊಡ ಮರಳಿ

ಷಡುರಸಾಯನದನ್ನ ಕುಡಿದ ನೀರನೆ ಸಹಿತ

ಪಿಡಿಯಲಾರದೆ ಕಾರಿ ಮಿಡಿಕಿದಂತೆ

ಗಡ ಮನಸೆ ಕೇಳನ್ಯರಿಗೆ ನುಡಿದುದರಿಂದ ನೀನು

ಪಡೆದಾ ಪುಣ್ಯವಮೃತ ಒಡಲೊಳಿರಲು

ತಡೆಯದೆ ಬರಿಗೈಸಿ ಕೆಡಿಸುವದು

ಪೊಡವಿಯೊಳಗೊಬ್ಬರಾ ಗೊಡವಿ ಯಾಕೆ ಬಿಡು ಬಿಡು

ಬಿಡು ಇಂಥ ನುಡಿ ನಡತೆಗಳು

ಒಡೆಯ ವಿಜಯವಿಠ್ಠಲನ ಅಡಿಗಳಲ್ಲಿಪ್ಪುದು||

***

                   

ಈಕಲ್ಪ ಸಾಧನೆ 

ಅಪರೋಕ್ಷ ನಂತರದಲ್ಲಿ

ಬ್ರಹ್ಮ ಮೊದಲು ಮಾಡಿ ತೃಣ ಜೀವ ಪರಿಯಂತರಾ

ಅವರ ಯೋಗ್ಯತೆ 

ಸಾಧನ ಹೇಳಿ

ಅದೆ ಇದು ಎಷ್ಟಾಯಿತೆಂದರೆ ಎರಡು ಮಹಪದ್ಮ

ಆರೈವತ್ತು ಪದ್ಮ ಎರಡು ಮಹ ಖವ೯ ಏಳು

  ಖವ೯ ಒಂದು

ನಿಬು೯ದ ಆರೈವತ್ತಾರು ಕೋಟಿ

ವರುಷವಾಯಿತು  ಶ್ರೀವಿಜಯವಿಠಲ

***

ಒಂದೆಂಟು ಬಾಗಿಲುಳ್ಳ ಪಟ್ಟಣದೊಳಗೆ

ಮುಂದೆ ಇಪ್ಪತ್ತನಾಲ್ಕು ಮನೆಯೊಳು

ತಂದೆನ್ನ ನಿಲ್ಲಿಸಿ ಒಳಗಿಟ್ಟು ಕಾವಲು ಮಾಡಿ ಬಂಧನದೊಳಗಿಟ್ಟು ಬಳಸಿಸುವದು ಅನ್ಯಾಯ ತಂದೆ ಅಂತರಾತ್ಮಕ ನೀನು ಒಳಗಿದ್ದು ಸ್ವತಂತ್ರ-ನೆಂದೆನಿಸಿ ಎನ್ನ ಬರಿದೆ ಕೊಲ್ಲಿಸುವರೇನೋ ?

ಕಂದರ್ಪಪಿತ ರಂಗ ನೀ ಕಾಯಬೇಕೆನ್ನ

ಎಂತಾದರೇನು ಅನಂತ ಮೂರುತಿ ವಿಜಯವಿಠಲ..l l   

***

ಬಿಂಬ ಪೊಳೆಯುತಿರೇ

ದಿಂಡ ದಂಡನೆ ಯಾಕೇ

ತುಂಬಿದೂಟವಿರೆ

ತಿರುಪೆ ಯಾಕೆ?

ಕೊಂಬೆಯುಳ್ಳ ಹಣ್ಣು 

ತಾನೇ ಬೀಳುತ್ತಿರಲು

ಕುಂಭಿನಿಯರಿಗೆ  ಕೆಡಹಿ ಫಲವ ಮೇಲುವರೇ

ಹಂಬಲಗೊಳಸಲ್ಲಾ ಕರ್ಮವೆಂಬದು  ತೊರೆದು

ಜ್ಞಾನಾoಬುದಿಯೊಳಗೆ

ನಂಬಿ ಹರಿಯ ಸಾರು

ಗಂಭೀರ ಪುರುಷ ಶ್ರೀಹರಿ ವಿಜಯವಿಠ್ಠಲರೇಯನ

ಬಿಂಬ ನೋಡಿದವರಿಗೆ ಇಂಬು ವೈಕುಂಠದಲ್ಲಿ.

***

ನಿನ್ನ ಪಾದಾಂಬುಜವ ನೋಡಿದ ಮನುಜಗೆ

ಘನ್ನ ಪಾಪಗಳುಂಟೆ ಘನ್ನವರ್ನ

ನಿನ್ನ ಪೋಲುವ ದೈವ ಆವಾವ ಕ್ಷೇತ್ರದಲ್ಲಿ

ಬಣ್ಣಿಸಿ ನೋಡಿದರು ಕಾಣೆನಯ್ಯ

ಕಣ್ಣಿಲಿ ನೋಡಿದರು ಕರ್ಣದಲಿ ಕೇಳಿದರು

ಬಿನ್ನಹ ಮಾಡಿ ತುತಿಸಿದ ಕಾಲಕ್ಕು

ಎನ್ನ ಮೊದಲು ಮಾಡಿ ಪರಮೇಷ್ಠಿ ತನಕ 

ಸಂಪನ್ನ ಜ್ಞಾನದಲಿ  ಗುಣಿಸಿದರು

ಪನ್ನಗಶಾಯಿ ಸಿರಿ ವಿಜಯವಿಠಲರೇಯ 

ನಿನ್ನ ಮಹಿಮೆಗೆ ನಮೋ ನಮೋ ಎಂದೆಂಬೆನೊ

******

ಉ ಗಾ ಭೋ ಗ

ಜಠರವನು ಕೈಲಮಕಿ ಜುಣು ಜುಣುಗಿ ಮೆಲ್ಲನೆ

ನಿಟಿಲವನು ನರನ ಚರಣದಲಿಟ್ಟು

ಗಿಟಿಕಿರಿದು ಹಲ್ಲನು ಗಿದ್ಧನಾ ಕೊಡು ಎಂದು

ಪಟುವಾಗಿ ಕಾಯದೊಳಗಳುಕಿಕೊಳುತ

ಕಟುಕರಂಗಡಿ ಮುಂದೆ ಕಾಯ್ದ ನಾಯಿಯಂತೆ

ಗುಟುಕುಗಳು ಉಗುಳದಲೆ ನುಂಗಿಕೊಳುತಾ ಅ

ಕಟಕಟಾ ಹೀಗೆ ಮಾಡುವರೇನೋ ಹೇ ವಿಜಯ

ವಿಟ್ಠಲ ನಿನಗಿನಿತು ಕರುಣವು ಇಲ್ಲವೋ ll

ಮೇ 24

ನಿನ್ನ ಪೆಸರ್ಗೊಂಡರೆ ತತ್ತದಭಿಮಾನಿಗಳು l

ಘನ್ನವಾಗಿ ಒಲಿದು ಅಲ್ಲಲ್ಲಿ ತಾವೆಯಿದ್ದು l

ಬೆನ್ನುಬಲವಾಗಿ ಲೇಶ ಮಾತುರವಂಗೆ l

ಖಿನ್ನತೋರದಂತೆ ಸಂರಕ್ಷಿಸುವರು l

ನಿನ್ನದೊರೆತನದ ಭಯದಿಂದ ಸಮಸ್ತರು l

ಅನ್ಯಥಾಗಗೊಡದೆ ಕಾದುಕೊಂಡಿಪ್ಪರು l

ಇನ್ನೆನುಪೇಳಲಿ ಇಂಥವೈಚಿತ್ರ್ಯಕ್ಕೆ l

ಎನ್ನಿಂದಾಗದು ಸ್ವಾಮಿಕರಮುಗಿದು ನಮೋ ಎಂಬೆ l

ಘನ್ನಮೂರುತಿ ನಮ್ಮ ವಿಜಯವಿಟ್ಠಲರೇಯ l

ನಿನ್ನ ನಂಬಿದವಗೆ ಕೇಡಿಲ್ಲ ಕೇಡಿಲ್ಲ ll

****

ಕೋಟಿ ಕೋಟಿಗೆ ನಿನ್ನ ನಾಮ ಒಂದೆ ಸಾಕು

ದಾಟಿಸುವುದು ಭವಸಾಗರ

ಬೂಟಕತನದಲಿ ಹರಿದಾಸನಾದರೆ

ತೋಟವಿಲ್ಲದೆ ಮೋಟಿ ಎತ್ತಿದಂತೆ

ನೀಟಾಗದು ಕಾಣೊ ಎಂದಿಗೂ ಯಮಭಟರ

ಕಾಟತಪ್ಪದು ಕಾಶಿಯೊಳಗಿದ್ದರು

ಹಾಟಕಾಂಬರಧರ ವಿಜಯವಿಠಲರೇಯ 

ನಾಟಿಸು ನಿನ್ನ ಚರಣದಲಿ ಎನ್ನ ಮನಸು||

********

ಕೋಟಿ ಕೋಟಿಗೆ ನಿನ್ನ ನಾಮ ಒಂದೇ ಸಾಕು 

ದಾಟಿಸುವುದು ಭವಸಾಗರವ

ಬೂಟಕತನದಲಿ ಹರಿದಾಸನಾದರೆ

ತೋಟವಿಲ್ಲದೆ ಮೋಟಿ ಎತ್ತಿದಂತೆ

ನೀಟಾಗದು ಕಣೊ ಎಂದಿಗು ಯಮಭಟರ 

ಕಾಟತಪ್ಪದು ಕಾಶಿಯೊಳಗಿದ್ದರು

ಹಾಟಕಾಂಬರಧಾರ ವಿಜಯವಿಟ್ಠಲರೇಯ 

ನಾಟಿಸು ನಿನ್ನ ಚರಣದಲಿ ಎನ್ನ ಮನಸು ll

******

ಕಠಿಣವಾದರು ನಿನ್ನ ನಾಮ ಅನುಗಾಲ

ಜಠರದೊಳಗೆ ಇಟ್ಟು ಎಂತಾದಾರಾಗೆ

ನಟನೆಯ ಮಾಡುತ ತಿರುಗುವ ಮಾನವಗೆ

ಅಟವಿಯಲ್ಲಾದರು ಪೂರ್ಣಸುಖವು

ಸಟೆಯಲ್ಲ ಈ ಮಾತು ಅಜಭವಾದಿಗಳೆ ಬಲ್ಲರು 

ನಿಚ್ಚಟಾ ತಿಳಿದು ಪೇಳಿದರು ಪುಸಿಯಲ್ಲ

ವಟಪತ್ರಶಾಯಿ ನಮ್ಮ ವಿಜಯವಿಠಲರೇಯ 

ವಿಠಲಾ ಎಂದು ನುಡಿದವಗೆ ಆವ ಭಯವುಂಟು ll

*****

ನಿನ್ನ ಮನದೊಳಗೆ, ಉಳಿಸುವೆನೆಂಬುವದು

ಘನ್ನವಾಗಿರಲಿಕ್ಕೆ ಎನ್ನೊಳಗೆ

ಇನಿತು ಪ್ರೇರಿಸಿ ನೀನೇ ನುಡಿಸಿದ್ದು

ಘನ್ನವಲ್ಲವೆ, ಇದಕೆ ಸಂಶಯವಿಲ್ಲ

ಇನ್ನು ಯೋಚಿಸಲ್ಯಾಕೆ?  ಭಕ್ತಪಾಲಕ ಬಿರುದು 

ಅನಂತಕಾಲಕ್ಕೂ ನಿನ್ನದಯ್ಯಾ

ಉನ್ನತಮಹಿಮ ಶಿರಿವಿಜಯವಿಠಲರೇಯ

ಎನ್ನ ಮಾನಾಪಮಾನ ಮತ್ತಾರದಲ್ಲ

**

ಅನಂತ ಕಲ್ಪಕ್ಕೆ ನಿನ್ನ ಮೊರೆ ಬಿದ್ದವಗೆ |

ಖಿನ್ನತೆ ಯಿಲ್ಲವೆಂಬುದೆ ಕೇಳಿ ಬಲ್ಲೆ |

ಚಿಣ್ಣ ಧ್ರುವ ಪ್ರಹ್ಲಾದ ಮೊದಲಾದ ಭಕ್ತರ |

ಘನತೆ ಏನೆಂಬೆ ಲೋಕದಲ್ಲಿ | 

ಮನ್ನಿಸೋ ಮಹರಾಯ ವಿಜಯ ವಿಠಲರೇಯ |

ಬಿನ್ನಪ ಕೈ ಕೊಂಡು ಭಕ್ತನ ಪಾಲಿಸೋ |

*****

ಉ ಗಾ ಭೋ ಗ

ಅಬಲೆಯ ಮಾತಿಗೆ, ಮನಸು ಕರಗಿತು ನಿನ್ನ 

ಅಂಬುಜಪಾದಕೆ, ಬಿಡದೆ ಬಿನ್ನೈಸಿದೆ 

ಪ್ರಬಲ ನೀನಾದಕಾರಣದಿಂದ, ಚನ್ನಾಗಿ

ವಿಭುದೇಶ ನಾನಾರೋಗವಿನಾಶನೇ

ಶುಭವೇ ಕೊಡು ಜೀಯ್ಯಾ ನಿನಗಲ್ಲದೆ ಅನ್ಯ

ವಿಭುಗಳಿಗೆ ಶರಣೆನ್ನೆ ಸರ್ವಕಾಲ

ಶಬದಮಾತುರವಲ್ಲ ಅಂತರಂಗದ ಸ್ತೋತ್ರ

ಕುಬುಜೆಯ ತಿದ್ದಿದ ವಿಜಯವಿಠಲರೇಯ,

ನಿಬಿಡಕರುಣಾಂಬುಧಿ ಮಹಾದುರಿತಾರಿ

****

ಒಂದು ಕೈಯಲಿ ಖಡ್ಗ ಒಂದು ಕೈಯಲಿ ಹಲಿಗೆ
ಅಂದವಾಗಿ ಪಿಡಿದುಕೊಂಡು ದಿವಾರಾತ್ರಿಯಲಿ
ಬಂದು ಬದಿಯಲಿ ನಿತ್ಯ ಬಾರಾಸನಾಗಿ ನಿಂದು
ಹಿಂದು ಮುಂದುಪದ್ರವವಾಗದಂತೆ
ಇಂದಿರೆರಮಣ ಕಾಯುತ್ತಲಿರೆ
ಎನಗಾವ ಬಂಧಕಗಳು ಇಲ್ಲ
ಧನ್ಯ ಧನ್ಯ ಕಂದರ್ಪನಯ್ಯಾ ಸಿರಿ ವಿಜಯ ವಿಠ್ಠಲರಾಯ
ದೇವ ಆಪತ್ತು ಬರಲೀಯ ನೋಡಿ ||

ಈ ಮೇಲ್ಕಂಡ ಸ್ತುತಿ(ಉಗಾಭೋಗ)ಯು ಬಹಳ ಭಯಪಡುವವರಿಗೆ, ಮೇಲಿಂದ ಮೇಲೆ ದುಃಸ್ವಪ್ನಗಳು ಆಗುತ್ತಿರುವವರಿಗೆ ಈ ಪ್ರಾರ್ಥನೆ ವಿಶೇಷ ಫಲಕಾರಿ.

*******

ಶ್ರೀ ವಿಜಯದಾಸರು ರಚಿಸಿದ ಒಂದು ಉಗಾಭೋಗ —-

ಶ್ರವಣ ಮಾಡಿದ ಮನುಜ ಸರ್ವದಾ ಪವಿತ್ರ
ಶ್ರವಣಾಸಕ್ತನಿಗೆ ಭಯಶೋಕಗಳಿಲ್ಲ
ಶ್ರವಣಕೆ ಒಲಿದ ವಿಜಯವಿಠಲ//

ನಿನ್ನನು ನೋಡುವ ಕಾಮವು ಎನಗಿರಲಿ
ನಿನ್ನ ವಿರೋಧಿಗಳ ಕಂಡೆನೆಗೆ ಕ್ರೊಧ ಬರಲಿ

ನಿನ್ನ ಚರಣವ ಬಿಡೆನೆಂಬ ಲೋಭ ಬರಲಿ
ನಿನ್ನ ನಾಮದಲಿ ಸದಾ ವ್ಯಾಮೋಹವೆನಗಿರಲಿ

ನಿನ್ನ ನಾಮಸ್ಮರಣೆಯ ಮದವೇರಲಿ
ನಿನ್ನವರಂತೆ ನಾನಾಗಲಿಲ್ಲವೆಂಬ ಮತ್ಸರವಿರಲಿ
ನಿನ್ನವನೆನಿಸೊ ಸಂಪನ್ನ ವಿಜಯವಿಠ್ಠಲ //

ಚಿತ್ತದಲಿ ಚರಣ ಭಜಿಸಿದ ಜೀವಿಗೆ

ನಿತ್ಯಾಯು ಉತ್ಸವ ವಿಜಯವಿಠಲ ಕೊಡುವ //

***********

ಮುಕ್ಕೋಟಿ ದ್ವಾದಶಿ - ಈ ಉಗಾಭೋಗದಲ್ಲಿ ದಾಸರು ಮಧ್ವರ ಸದಾಚಾರ ಸ್ಮೃತಿ ಮತ್ತು ಭಾಗವತದ ಭಾಗವತರನ್ನು ಸ್ಮರಿಸಿಕೊಂಡು ನಮ್ಮಂತಹ ಪಾಮರರಿಗೆ ಸಾಧನೆಯ ಮಾರ್ಗ ತೋರಿದ್ದಾರೆ. 

ಆಚಾರ್ಯರ ದ್ವಾದಶ ಸ್ತೋತ್ರದಲ್ಲಿ ವರ್ಣಿಸಿದಂತೆ ಕುರುಭುಂಕ್ಷ್ವಚ ಕರ್ಮ ನಿಜಂ ನಿಯತಂ.  ಪ್ರಾಕಾರ ದಿನ ನಿತ್ಯದ ಸಕಲ ಕರ್ಮಗಳು, ಅವುಗಳ ಫಲ ಶ್ರೀಹರಿಗೆ ಅರ್ಪಣೆಯಾಗಬೇಕು.  ಆ ಕರ್ಮಗಳು ಸುಕರ್ಮ, ದುಷ್ಕರ್ಮ, ಸಕಾಮ, ನಿಷ್ಕಾಮ ಆಗಿರಲಿ. ನಾವು ಕರ್ಮ ಮಾಡದೆಯಿದ್ದರೂ ನಾವು ಅದೆಷ್ಟೋ ಬೇಡವಾದ ಕರ್ಮ ಮಾಡಿದ್ದರಿಂದ ಪಾಪದ ಬಾವಿಗೆ ಬೀಳುತ್ತೇವೆ. ಕಾರಣ ದಾಸರು ಸುಳಾದಿಯಲ್ಲಿ ನಿತ್ಯ ನೈಮಿತ್ತಿಕವ ಮಾಡು ಮಾಡದಲಿರು ಎಂಬ ವಾಕ್ಯ ಪ್ರಯೋಗ ಮಾಡಿದ್ದಾರೆ. 

ಇದಕ್ಕೂ ಮೊದಲು ನಾವು ಮಧ್ವರಾಗಿ ಆಚಾರ್ಯರ ತತ್ವ ತಿಲಿಯುವದೇ ಮುಖ್ಯ ವಿಷಯವಾಗಿದೆ. ಅದಕ್ಕಾಗಿ ಭಾಗವತದ ಭಕ್ತರನ್ನು ಸ್ಮರಿಸಿ ಅವರ ತ್ಯಾಗ, ಆದರ್ಶ ಧರ್ಮ ನೀತಿಗಳನ್ನು ತಿಳಿಯಲು ದಶಮಿ ಏಕಾದಶಿ ದ್ವಾದಶಿ ವೃತಗಳ ಮಹಿಮೆಗಳನ್ನು ತಿಳಿಯಬೇಕು.  ಅದಕ್ಕಾಗಿ ಶ್ರೀ ಹರಿಯ ಮತದಂತೆ ಸದಾಚಾರ ತಿಳಿದೂ ಆಚರಣೆಯಲ್ಲಿ ತರುವದೇ ನಮ್ಮ ಮುಂದಿನ ಪೀಳಿಗೆಗೆ ಸಂಸ್ಕಾರವಾಗುವದು. ಈ ತತ್ವಗಳನ್ನು ಓದಿ ತಿಳಿದೂ ಸುಖಪಡುವದೇ ಪರಮಾತ್ಮನಿಗೆ ಪ್ರೀತಿಯ ವಿಷಯವಾಗಿದೆ. ಅದನ್ನೇ ದಾಸರು ತತ್ವವಾ ವಿಚಾರಿಸಿ ಸುಖಿಸಿ ಎಂದೂ ಹೇಳಿದ್ದಾರೆ. ಮತ್ತು ಸದಾಚಾರ ಸ್ಮೃತಿಯಂತೆ ಎಂಬ ಶಬ್ದ ಪ್ರಯೋಗವನ್ನು  ಮಾಡಿದ್ದಾರೆ. 

ದ್ವಾದಶಿ ಆಚರಣೆ ತಿಳಿ ಯಜಮಾನನು ಬ್ರಾಹ್ಮೀ ಮಹೂರ್ತದಲ್ಲಿ ಎದ್ದು ಸ್ನಾನ ಸಂಧ್ಯಾದಿಗಳನ್ನು ಮಾಡಿ ದೇವರ ಪೂಜೆ, ನೈವೈಧ್ಯ ವೈಶ್ವದೇವ ಮಾಡಿಕೊಂಡು ಯಾರಾದರೂ ಯೋಗ್ಯ ವಿಪ್ರ ಬರುವದಾರಿ ಕಾಯಬೇಕು. ಆ ವಿಪ್ರನು ಭೋಜನಕ್ಕೆಯೋಗ್ಯನಾಗಿರಬೇಕು. ಯಜಮಾನನಿಂದ ಸ್ವೀಕರಿಸಿದ ದಾನಕ್ಕೆ ತಕ್ಕ ಅನುಷ್ಠಾನ ಜಪ ತಪ ಮಾಡಿಕೊಂಡು ತನ್ನಪುಣ್ಯವನ್ನು ತಿರುಗಿ ಗಳಿಸುವ ಸಾಮರ್ಥ್ಯ ಹೊಂದಿನವನಾಗಿರಬೇಕು. ಇಂಥವನು ದಾಸರ ಪ್ರಕಾರ, ಪುರಾಣ ಶಾಸ್ತ್ರ ಪ್ರಕಾರ ಸತ್ಪಾತ್ರ ಬ್ರಾಹ್ಮಣ ಎಣಿಸಿಕೊಳ್ಳುವನು. ಇಂಥವರಿಗೇ ಯಜಮಾನನಾದವನು ಊಟಕ್ಕೆ ಹಾಕಿ ತೃಪ್ತಿ ಪಡಿಸಿ ಅವರ ಅನುಮತಿಪಡೆಡು ತಾನು ಮೊದಲು ತೀರ್ಥ ಪಾರಣೆ ಮಾಡಿ ನಂತರದಲ್ಲಿ ದಾನಧರ್ಮ ಮಾಡಿ ಮತ್ತೆ ಅನಯಿ ಪಡೆದು ಊಟ ಮಾಡಿದಾಗ ಫಲ ದೊರೆಯುವದು. 

ಇದನ್ನೆಲ್ಲಾ ಮಾಡಿ ಪುಣ್ಯ ಗಳಿಸಿದರೆ ಅದು ಮೃತ್ಯು ವನ್ನು ಜಯಿಸುವ ಪುಣ್ಯ ದೊರೆಯುವದು. ಮುಕ್ತಿಗೆ ಸಾಧನೆ ಆಗುವದೆಂದು ದಾಸರು ಮೃತ್ಯು ಜಯಿಸಿ ಸದ್ಗತಿಗೆ ಸದ್ಯನಾಗು ಎಂದೂ ಸಾರಿ ಹೇಳಿದ್ದಾರೆ. 

ಈ ರೀತಿಯಲ್ಲಿ ಸದಾಚಾರ ಸ್ಮೃತಿಯನ್ನು ಓದಿ ತಿಳಿದೂ ಸಂತೋಷಗೊಂಡು ಸತ್ಪಾತ್ರರಿಗೆ ದ್ವಾದಶಿದಿನ ಮೃಷ್ಟಾನ್ನ ಭೋಜನ ಉಣಿಸಿದ ಫಲದಿಂದ ಸತ್ಯ ಮೂರ್ತಿ ವಿಜಯ ವಿಠಲ ರಾಯನು  ನಮ್ಮನ್ನು ದಿನನಿತ್ಯ ಬಿಡದೇ ರಕ್ಷಿಸುವನು.

 ಶ್ರೀಹರಿವಾಯು

ನಿತ್ಯನೈಮಿತ್ತಿಕವ ಮಾಡು ಮಾಡದಲಿರು

ತತ್ತ್ವವ ವಿಚಾರಿಸಿ ಸುಖಿಸಿ ದ್ವಾದಶಿ ದಿನ

ಹೊತ್ಹೋಗಗೊಡದಲೆ ಸದಾಚಾರಸ್ಮೃತಿಯಂತೆ ಪಂಕ್ತಿಪಾವನ |

ಉತ್ತಮರೊಡಗೂಡಿ ಮೃಷ್ಟಾನ್ನ ಭುಂಜಿಸಿ

ಮೃತ್ಯು ಜಯಿಸಿ ಸದ್ಗತಿಗೆ ಸಾಧ್ಯನಾಗು

ಸತ್ಯಮೂರುತಿ ವಿಜಯವಿಠಲರೇಯ ನಿತ್ಯ ಬಿಡದೆ ಕಾಯ್ವನು ||

-ಶ್ರೀ ವಿಜಯದಾಸರು