ಗುಬ್ಬಿಯಾಳೊ ಗೋವಿಂದ ಗೋವಿಂದಾ ಗೋವಿಂದಾನೆಂದು ankita hayavadana GUBBIYAALO GOVINDA GOVINDA GOVINDANENDU

ಗುಬ್ಬಿಯಾಳೊ ಗೋವಿಂದ ಗೋವಿಂದಾ |
ಗೋವಿಂದ ಗೋವಿಂದಾನೆಂದು ನೆನೆಯಿರೊ ಗುಬ್ಬಿಯಾಳೊ ||ಪ||

ಕೇಶವನ್ನ ನೆನೆದರೆ ಕ್ಲೇಶ ಪರಿಹಾರವು ಗುಬ್ಬಿಯಾಳೊ
ನಾರಾಯಣನ ಧ್ಯಾನದಿಂದ ನರಕಭಯವಿಲ್ಲವೊ ಗುಬ್ಬಿಯಾಳೊ ||೧||

ಮಾಧವನ್ನ ನೆನೆದರೆ ಮನೋಭೀಷ್ಟ ಕೊಡುವೊನು ಗುಬ್ಬಿಯಾಳೊ
ಗೋವಿಂದನ್ನ ದಯದಿಂದ ಘೋರದುರಿತ ನಾಶನವು ಗುಬ್ಬಿಯಾಳೊ ||೨||

ವಿಷ್ಣುಭಜನೆಯಿಲ್ಲದವಗೆ ವೈಷ್ಣವರ ಜನ್ಮವುಂಟೇ ಗುಬ್ಬಿಯಾಳೊ
ಮಧುಸೂದನನ ಧ್ಯಾನದಿಂದ ಅತಿಶಯವು ಇಹುದೊ ಗುಬ್ಬಿಯಾಳೊ ||೩||

ತ್ರಿವಿಕ್ರಮನ ನೆನೆದರೆ ಸಾವಿತ್ರಿಯಾಗಿಹರೊ ಗುಬ್ಬಿಯಾಳೊ
ವಾಮನದೇವರು ನಮಗೆ ವರಗಳ ಕೊಡುವೋರು ಗುಬ್ಬಿಯಾಳೊ ||೪||

ಶ್ರೀಧರನ್ನ ನೆನೆದರೆ ಸಿರಿ ನಮಗೆ ಒಲಿವಳೊ ಗುಬ್ಬಿಯಾಳೊ
ಹೃಷೀಕೇಶನ ಧ್ಯಾನದಿಂದ ಹೃದಯ ಪರಿಶುದ್ಧವೊ ಗುಬ್ಬಿಯಾಳೊ ||೫||

ಪದ್ಮನಾಭ ನಮ್ಮೆಲ್ಲರ ಪಾಲಿಸಿ ರಕ್ಷಿಪನೊ ಗುಬ್ಬಿಯಾಳೊ
ದಾಮೋದರನ ನೆನೆದರೆ ಪಾಮರತ್ವ ಬಿಡಿಸುವನೊ ಗುಬ್ಬಿಯಾಳೊ ||೬||

ಸಂಕರ್ಷಣನ ಧ್ಯಾನದಿಂದ ಸಂತಾನ ಅಭಿವೃದ್ಧಿಯು ಗುಬ್ಬಿಯಾಳೊ
ವಾಸುದೇವನ ದಯದಿಂದ ವಂಶ ಉದ್ಧಾರವೊ ಗುಬ್ಬಿಯಾಳೊ ||೭||

ಪ್ರದ್ಯುಮ್ನನ ನೆನೆದರೆ ಭೂಪ್ರದಕ್ಷಿಣೆ ಫಲವು ಗುಬ್ಬಿಯಾಳೊ
ಅನಿರುದ್ಧನ ಸೇವಿಸೆ ಪುನೀತರಹೆವೊ ಗುಬ್ಬಿಯಾಳೊ ||೮||

ಪುರುಷೋತ್ತಮನ್ನ ಪುರಾಣಪುರುಷನೆಂದು ತಿಳಿಯಿರೊ ಗುಬ್ಬಿಯಾಳೊ
ಅಧೋಕ್ಷಜ ನಮ್ಮೆಲ್ಲರಿಗಾಧಾರವಾಗಿಹನೊ ಗುಬ್ಬಿಯಾಳೊ ||೯||

ನಾರಸಿಂಹದೇವರು ನಮ್ಮ ಕುಲದೈವವೊ ಗುಬ್ಬಿಯಾಳೊ
ಅಚ್ಯುತ ಲಕ್ಷ್ಮಿಯ ಕೂಡಿ ಸಚ್ಚಿದಾನಂದನೊ ಗುಬ್ಬಿಯಾಳೊ ||೧೦||

ಜನಾರ್ದನದೇವರು ಜಗಕೆಲ್ಲ ಶ್ರೇಷ್ಠರೊ ಗುಬ್ಬಿಯಾಳೊ
ಉಪೇಂದ್ರನು ನಮ್ಮ ಅಪರಾಧವ ಕ್ಷಮಿಸುವನೊ ಗುಬ್ಬಿಯಾಳೊ ||೧೧||

ಹರಿನಾಮಾಮೃತಕೆ ಸರಿ ಧರೆಯೊಳಗೆ ಇಲ್ಲವೊ ಗುಬ್ಬಿಯಾಳೊ
ಶ್ರೀಕೃಷ್ಣ ರಂಗೇಶಯೆಂಬೊ ಸಿದ್ಧಕ್ರಿಯ ಬಲ್ಲರೆ ಗುಬ್ಬಿಯಾಳೊ ||೧೨||

ಈ ಗುಬ್ಬಿ ಪಾಡುವರಿಗೆ ಇಹ ಪರವು ಸಂತತವು ಗುಬ್ಬಿಯಾಳೋ
ಧರಣಿಯೊಳು ಆಚಂದ್ರಾರ್ಕ ತಾರಕವಾಗಿಹರು ಗುಬ್ಬಿಯಾಳೊ ||೧೩||

ಹಯವದನನ್ನ ಪಾದಧ್ಯಾನ ನಿತ್ಯ ಮರೆಯದೆ ನೀ ನೆನೆ ಮನವೆ
ನಮ್ಮ ಹಯವದನನ್ನ ಪಾದವೇ ನಿತ್ಯ ಮನವೆ ಗುಬ್ಬಿಯಾಳೊ ||೧೪ ||
***

Gubbiyalo govinda govinda |

Govinda govindanemdu neneyiro gubbiyalo ||pa||

Kesavanna nenedare klesa pariharavu gubbiyalo

Narayanana dhyanadinda narakabayavillavo gubbiyalo ||1||

Madhavanna nenedare manobishta koduvonu gubbiyalo

Govindanna dayadinda goradurita nasanavu gubbiyalo ||2||

Vishnubajaneyilladavage vaishnavara janmavunte gubbiyalo

Madhusudanana dhyanadinda atisayavu ihudo gubbiyalo ||3||

Trivikramana nenedare savitriyagiharo gubbiyalo

Vamanadevaru namage varagala koduvoru gubbiyalo ||4||

Sridharanna nenedare siri namage olivalo gubbiyalo

Hrushikesana dhyanadinda hrudaya parisuddhavo gubbiyalo ||5||

Padmanaba nammellara palisi rakshipano gubbiyalo

Damodarana nenedare pamaratva bidisuvano gubbiyalo ||6||

Sankarshanana dhyanadinda santana abivruddhiyu gubbiyalo

Vasudevana dayadinda vamsa uddharavo gubbiyalo ||7||

Pradyumnana nenedare bupradakshine Palavu gubbiyalo

Aniruddhana sevise punitarahevo gubbiyalo ||8||

Purushottamanna puranapurushanemdu tiliyiro gubbiyalo

Adhokshaja nammellarigadharavagihano gubbiyalo ||9||

Narasimhadevaru namma kuladaivavo gubbiyalo

Acyuta lakshmiya kudi saccidanamdano gubbiyalo ||10||

Janardanadevaru jagakella sreshtharo gubbiyalo

Upendranu namma aparadhava kshamisuvano gubbiyalo ||11||

Harinamamrutake sari dhareyolage illavo gubbiyalo

Srikrushna rangesayembo siddhakriya ballare gubbiyalo ||12||

I gubbi paduvarige iha paravu santatavu gubbiyalo

Dharaniyolu acandrarka tarakavagiharu gubbiyalo ||13||

Hayavadananna padadhyana nitya mareyade ni nene manave

Namma hayavadananna padave nitya manave gubbiyalo ||14 ||

***

ಹರಿದಾಸಸಾಹಿತ್ಯದಲ್ಲಿ ಕೇಶವನಾಮ

ಗುಬ್ಬಿಯಾಳೊ ಗೋವಿಂದ ಗೋವಿಂದಾ ।

ಗೋವಿಂದ ಗೋವಿಂದಾನೆಂದು ನೆನೆಯಿರೊ ಗುಬ್ಬಿಯಾಳೊ ॥

ಕೇಶವನ್ನ ನೆನೆದರೆ ಕ್ಲೇಶ ಪರಿಹಾರವು ಗುಬ್ಬಿಯಾಳೊ

ನಾರಾಯಣನ ಧ್ಯಾನದಿಂದ ನರಕಭಯವಿಲ್ಲವೊ ಗುಬ್ಬಿಯಾಳೊ ॥

ಮಾಧವನ್ನ ನೆನೆದರೆ ಮನೋಭೀಷ್ಟ ಕೊಡುವೊನು ಗುಬ್ಬಿಯಾಳೊ

ಗೋವಿಂದನ್ನ ದಯದಿಂದ ಘೋರದುರಿತ ನಾಶನವು ಗುಬ್ಬಿಯಾಳೊ ॥

ವಿಷ್ಣುಭಜನೆಯಿಲ್ಲದವಗೆ ವೈಷ್ಣವರ ಜನ್ಮವುಂಟೇ ಗುಬ್ಬಿಯಾಳೊ

ಮಧುಸೂದನನ ಧ್ಯಾನದಿಂದ ಅತಿಶಯವು ಇಹುದೊ ಗುಬ್ಬಿಯಾಳೊ ॥

ತ್ರಿವಿಕ್ರಮನ ನೆನೆದರೆ ಸಾವಿತ್ರಿಯಾಗಿಹರೊ ಗುಬ್ಬಿಯಾಳೊ

ವಾಮನದೇವರು ನಮಗೆ ವರಗಳ ಕೊಡುವೋರು ಗುಬ್ಬಿಯಾಳೊ ॥

ಶ್ರೀಧರನ್ನ ನೆನೆದರೆ ಸಿರಿ ನಮಗೆ ಒಲಿವಳೊ ಗುಬ್ಬಿಯಾಳೊ

ಹೃಷೀಕೇಶನ ಧ್ಯಾನದಿಂದ ಹೃದಯ ಪರಿಶುದ್ಧವೊ ಗುಬ್ಬಿಯಾಳೊ ॥

ಪದ್ಮನಾಭ ನಮ್ಮೆಲ್ಲರ ಪಾಲಿಸಿ ರಕ್ಷಿಪನೊ ಗುಬ್ಬಿಯಾಳೊ

ದಾಮೋದರನ ನೆನೆದರೆ ಪಾಮರತ್ವ ಬಿಡಿಸುವನೊ ಗುಬ್ಬಿಯಾಳೊ ॥

ಸಂಕರ್ಷಣನ ಧ್ಯಾನದಿಂದ ಸಂತಾನ ಅಭಿವೃದ್ಧಿಯು ಗುಬ್ಬಿಯಾಳೊ

ವಾಸುದೇವನ ದಯದಿಂದ ವಂಶ ಉದ್ಧಾರವೊ ಗುಬ್ಬಿಯಾಳೊ ॥

ಪ್ರದ್ಯುಮ್ನನ ನೆನೆದರೆ ಭೂಪ್ರದಕ್ಷಿಣೆ ಫಲವು ಗುಬ್ಬಿಯಾಳೊ

ಅನಿರುದ್ಧನ ಸೇವಿಸೆ ಪುನೀತರಹೆವೊ ಗುಬ್ಬಿಯಾಳೊ ॥

ಪುರುಷೋತ್ತಮನ್ನ ಪುರಾಣಪುರುಷನೆಂದು ತಿಳಿಯಿರೊ ಗುಬ್ಬಿಯಾಳೊ

ಅಧೋಕ್ಷಜ ನಮ್ಮೆಲ್ಲರಿಗಾಧಾರವಾಗಿಹನೊ ಗುಬ್ಬಿಯಾಳೊ ॥

ನಾರಸಿಂಹದೇವರು ನಮ್ಮ ಕುಲದೈವವೊ ಗುಬ್ಬಿಯಾಳೊ

ಅಚ್ಯುತ ಲಕ್ಷ್ಮಿಯ ಕೂಡಿ ಸಚ್ಚಿದಾನಂದನೊ ಗುಬ್ಬಿಯಾಳೊ ॥

ಜನಾರ್ದನದೇವರು ಜಗಕೆಲ್ಲ ಶ್ರೇಷ್ಠರೊ ಗುಬ್ಬಿಯಾಳೊ

ಉಪೇಂದ್ರನು ನಮ್ಮ ಅಪರಾಧವ ಕ್ಷಮಿಸುವನೊ ಗುಬ್ಬಿಯಾಳೊ ॥

ಹರಿನಾಮಾಮೃತಕೆ ಸರಿ ಧರೆಯೊಳಗೆ ಇಲ್ಲವೊ ಗುಬ್ಬಿಯಾಳೊ

ಶ್ರೀಕೃಷ್ಣ ರಂಗೇಶಯೆಂಬೊ ಸಿದ್ಧಕ್ರಿಯ ಬಲ್ಲರೆ ಗುಬ್ಬಿಯಾಳೊ ॥

ಈ ಗುಬ್ಬಿ ಪಾಡುವರಿಗೆ ಇಹ ಪರವು ಸಂತತವು ಗುಬ್ಬಿಯಾಳೋ

ಧರಣಿಯೊಳು ಆಚಂದ್ರಾರ್ಕ ತಾರಕವಾಗಿಹರು ಗುಬ್ಬಿಯಾಳೊ ॥

ಹಯವದನನ್ನ ಪಾದಧ್ಯಾನ ನಿತ್ಯ ಮರೆಯದೆ ನೀ ನೆನೆ ಮನವೆ

ನಮ್ಮ ಹಯವದನನ್ನ ಪಾದವೇ ನಿತ್ಯ ಮನವೆ ಗುಬ್ಬಿಯಾಳೊ  ॥

***

ವಿವರ :

ಪರಮಾತ್ಮನ ಕೇಶವನಾಮದ ಜಪವಿಲ್ಲದೆ ನಮ್ಮ ದಿನವೂ ಆರಂಭವಾಗುವುದಿಲ್ಲ, ಹೆಣ್ಣುಮಕ್ಕಳು ಗುರುಮಂತ್ರದ ಸಮಯದಲ್ಲಾದರೂ, ಗಂಡಸರು ಸಂಧ್ಯಾವಂದನೆಯ ಸಮಯದಲ್ಲಾದರೂ, ಶುಭಾಶುಭ ಎಲ್ಲ ಕಾರ್ಯಕ್ರಮಗಳೆಲ್ಲವೂ ಆರಂಭವಾಗುವುದೇ ಕೇಶವನಾಮದ ಸ್ಮರಣೆಯಿಂದಲೇ ಆರಂಭವಾಗುವುದು ಸರಿ. ಸಮಯ ಸಿಕ್ಕಾಗ ಈ ಕೇಶವನಾಮಗಳ ಒಂದೊಂದು ಹೆಸರಿನ ಅರ್ಥವೂ ನಿರೂಪಣೆ ಮಾಡುವ ಶಕ್ತಿ ಪರಮಾತ್ಮ ನೀಡಲಿ..

ಇವತ್ತಿನ ಕೃತಿಗೆ ಬಂದರೆ ಶ್ರೀಮದ್ವಾದಿರಾಜತೀರ್ಥ ಪೂಜ್ಯಪಾದರು ಅದ್ಭುತವಾದ ರೀತಿಯಲ್ಲಿ ಕೇಶವನಾಮದಲ್ಲಿನ ಯಾವ ನಾಮವನ್ನು ಸ್ಮರಿಸಿದರೆ ನಮಗೆ ಯಾವರೀತಿಯ ಅನುಗ್ರಹವಾಗುವುದೆನ್ನುವುದನ್ನು ತಿಳಿಸಿ ಹೇಳಿದ್ದಾರೆ. 

ನಮ್ಮ ಹರಿದಾಸರುಗಳೆಲ್ಲ ತಮ್ಮ ತಮ್ಮ ಕೃತಿಗಳಲ್ಲಿ ಆಯಾ ಪ್ರಾಂತ್ಯದ ಜನಪದ ಶೈಲಿಯ ವಿಧಾನಗಳನ್ನು ಬಳಸಿ ರಚಿಸಿದ್ದು ಕಂಡಿರ್ತೇವೆ. ಹಾಗೆಯೇ ಈ ಕೃತಿ ಬಹಳ ವಿಶೇಷವಾಗಿದೆ.

ಸುವ್ವಿ ಪದಗಳಾಗಲಿ, ಕೋಲುಪದಗಳಾಗಲಿ, ಲಾವಣಿ ಇತ್ಯಾದಿ ಎಲ್ಲವೂ ಸಹ ಜನಪದ ಶೈಲಿಯಲ್ಲಿ ರಚನೆಯಾಗಿರುವಂತವು. ಅಂತಹುಗಳಲ್ಲಿ ಗೊಬ್ಬಿಳ್ಳು ಪದವನ್ನು ಉಪಯೋಗಿಸಿ ರಚನೆಯಾದ ಪದವೇ ಗೊಬ್ಬೀಯಾಳೊ - ಗುಬ್ಬಿಯಾಳೊ ಪದ.

ಆಂಧ್ರಪ್ರದೇಶದಲ್ಲಿ  ಭೋಗಿ ಹಬ್ಬದ ದಿನ ಬೆಳಗಿನ ಜಾವ ೪ ಗಂಟೆಯ ಸಮಯ ಮನೆಯ ಮುಂದೆ  ಬೆಂಕಿಯನ್ನು ಹಚ್ಚಿ ದೊಡ್ಡ ಉರಿಯನ್ನು  ಹಾಕುತ್ತಾರೆ. ಒಂದು ವರ್ಷದಿಂದ ಸೇಕರಿಸಿ ಇಟ್ಟ ಹಳೆಯ ವಸ್ತುಗಳನ್ನು ಆ ಉರಿಯಲ್ಲಿ ಹಾಕಿ ಸುಟ್ಟುತ್ತಾರೆ.  ಇಡೀ ವರ್ಷದ ಕಷ್ಟಗಳು,  ಮನಸಿನಲ್ಲಿನ ದುಗುಡಗಳು ಆ ಬೆಂಕಿಯಲ್ಲಿ ಸುಟ್ಟುಹೋಗಲಿ ಎನ್ನುವ ಕಾರಣಕ್ಕೆ ಹಾಗೆಯೇ ಅಗ್ನ್ಯಂತರ್ಗತ ಶ್ರೀ ಹರಿಣೀಪತಿ ಪರಶುರಾಮದೇವರು ನಮ್ಮ ಮನಸಿನ ಕಷ್ಮಲಗಳನ್ನು ಸುಟ್ಟು ಹಾಕಿ ಜ್ಞಾನದ ಬೆಳಕನ್ನು ಜೀವನದಲ್ಲಿ ನೀಡಲಿ ಎಂದು ಈ ಭೋಗಿಯ ದಿನ ಮನೆಯ ಹೊರಗಡೆ ಉರಿಯನ್ನು ಹಾಕುತ್ತಾರೆ.....

 ಹಾಗೆಯೇ ಗೋಬರದಿಂದ ಗೊಬ್ಬೆಮ್ಮ ಅಂತ ಮುದ್ದೆ ತರಾ ಮಾಡಿ  ರಂಗವಲ್ಲಿಗಳನ್ನು ದೊಡ್ಡ ದೊಡ್ಡದಾಗಿ ಹಾಕಿ ಆ ಗೋಬರದ  ಮುದ್ದೆಗೆ ಕುಂಕುಮ, ಅರಿಶಿನ, ಏರಿಸಿ , ವಿಶೇಷವಾಗಿ ಕುಂಬಳಕಾಯಿ ಹೂವುಗಳಿಂದ ಅಲಂಕರಿಸಿ ,  ಉರಿಹಾಕಿದ ಆ ಬೆಂಕಿ ಶಾಂತವಾದ ನಂತರ ಮನೆಯ ಮುಂದೆ ಹಾಕಿದ ದೊಡ್ಡ ಹಬ್ಬದ ರಂಗೋಲಿಯ ಮಧ್ಯದಲ್ಲಿ ಇಟ್ಟು ಆರಂಗೋಲಿಯ ಸುತ್ತಲೂ ನೆರೆದು ಚಪ್ಪಾಳೆ ತಟ್ಟುತ್ತಾ ಗೊಬ್ಬಿಯಳ್ಳೋ  ಎಂದು ಹಾಡುತ್ತ, ನೃತ್ಯ ಮಾಡುವ ಸಂಪ್ರದಾಯ.. ಗೊಬ್ಬಿಯಳ್ಳು  ಆಡುವುದಕ್ಕೇನೆ ಹಳ್ಳಿಗಳಿಂದ ಮುತ್ತೈದಿ ಹೆಣ್ಣುಮಕ್ಕಳು ಬರ್ತಾರೆ. ಅದೇ ಅವರ ಪರಂಪರಾ ವೃತ್ತಿಯೂ ಹೌದು.  ಅವರು ಬಂದು ನಾವು ಸುವ್ವಿ ಆಡಿದಂತೆ ಗೊಬ್ಬಿಯಳ್ಳು ಹಾಡಿ, ಆಡಿ ರಂಗೋಲಿಸುತ್ತಲೂ ಪ್ರದಕ್ಷಿಣೆಯಂತೆ ನೃತ್ಯ ಮಾಡ್ತಾರೆ.  ಬಂದ ಅವರಿಗೆ ಮನೆಯವರು ಅಕ್ಕಿ ಬೇಳೆ  ಸ್ವಯಂಪಾಕಗಳನ್ನು ಸಮರ್ಪಣೆ ಮಾಡುತ್ತಾರೆ.  ಅವರಂತೆಯೇ ಹರಿದಾಸರು ಬರ್ತಾರೆ. ಮೇಲೆ ಯಾಯಿವಾರದ ಪಾತ್ರೆಯನ್ನಿಟ್ಟುಕೊಂಡು ಮನೆಯ ಮುಂದೆ ಬಂದು ದೇವರ ನಾಮ ಹಾಡುತ್ತಾ ನೃತ್ಯ ಮಾಡುತ್ತಾರೆ.. ಆನಂತರ ಎತ್ತನ್ನು ಅಲಂಕರಿಸಿ ತಮ್ಮೊಂದಿಗೆ ಸಂಪ್ರದಾಯದವರೂ ಬರ್ತಾರೆ ತುತ್ತೂರಿ ಊದುತ್ತ ರಂಗೋಲಿಗೆ ಪ್ರದಕ್ಷಿಣೆ ಹಾಕಿ ಹರಸ್ತಾರೆ.  ಇವರೆಲ್ಲರೂ ಬರುವ ಕಾರಣ ದೇಶದಲ್ಲಿ ಬೆಳೆ ಚಂದ ಬೆಳೆದು, ಜನರಿಗೆ ಆರೋಗ್ಯ ,ಐಶ್ವರ್ಯ ಸ್ಥಿರವಾಗಿರಲಿ ಎಂದು ಹಾರೈಸಲು.. ಈ ಸಂಪ್ರದಾಯ ಆಂಧ್ರದಲ್ಲಿ ಇಂದಿಗೂ ಕಾಣುತ್ತೇವೆ...

ಮೇಲೆ ತಿಳಿಸಿದ ಗೊಬ್ಬಿಯಳ್ಳೋ ಪದವನ್ನೇ ಶ್ರೀಮದ್ವಾದಿರಾಜತೀರ್ಥ ಗುರುಸಾರ್ವಭೌಮರು ತಮ್ಮ ಕೇಶವನಾಮದ ಈ ಕೃತಿ ಗುಬ್ಬಿಯಾಳೋ ಗೋವಿಂದಾ   ಈ  ಪದದಲ್ಲಿ ಬಳಸಿರುವುದು ಕಾಣಬಹುದು.. ಶ್ರೀ ರಾಜರು ಆಂಧ್ರದ ಕಡೆ ಸಂಚಾರಕ್ಕೆ ಬಂದಾಗ ಗೊಬ್ಬಿಯ ಸಂಪ್ರದಾಯ ನೋಡಿ ಅದರ ಮುಖಾಂತರ ಪರಮಾತ್ಮನ ಸ್ಮರಣೆ ಮಾಡಿ ಎಂದೇ ರಚಿಸಿದ ಪದವಿದು.

ಗುಬ್ಬಿ, ಗಿಳಿ  ಎಂದು ಇಲ್ಲಿ ನಾವು ಜೀವಿಗಳಕುರಿತು ಉಲ್ಲೇಖಿಸುವುದು ಕಾಣಬಹುದು. ಮತ್ತೆ ಗುಬ್ಬಿ ಎನ್ನುವ ಜೀವನನ್ನು ಆಳುವ ನಮ್ಮ ಪರಮಾತ್ಮನನ್ನು ನೆನೆಯಿರಿ ಎನ್ನುವುದರ ಮೂಲಕವೂ ನಾವು ಈ ಪದದಲ್ಲಿ ಕಾಣಬಹುದು. ಗುಬ್ಬಿಯಾಳೋ ಗೋವಿಂದಾ !  ಎಂದು.

 ನಾವು ಸದಾ ಪರಮಾತ್ಮನ ಇಪ್ಪತ್ತಾಲ್ಕು ನಾಮಗಳನ್ನು ನೆನೆಯ್ತುತ್ತಲಿದ್ದರೆ ಈ ದೇಹವನ್ನು ಆಳುವ ಭಗವಂತ ಪ್ರೀತನಾಗ್ತಾನೆ ಎನ್ನುವುದು ಸೂಕ್ಷ್ಮ..

ಗುಬ್ಬಿ ಎನ್ನುವುದು ಪಕ್ಷಿವೃಂದದಲ್ಲಿ ಸಣ್ಣ ಪರಿಮಾಣದ ಹಕ್ಕಿ. ಅದು ಒಂದು ಜಾಗದಲ್ಲಿ ಸ್ಥಿರವಾಗಿರದೆ ಎಲ್ಲೆಡ ಓಡಾಡುತ್ತಲೇ ಇರುತ್ತದೆ. ಚಂಚಲತ್ವದ ಹಕ್ಕಿ ಅದು. ಹಾಗೆಯೇ ಚಂಚಲತ್ವದ ಜೀವವೂ, ಆತನ ಮನಸ್ಸೂ ಸಹ ಸ್ಥರವಾಗಿ ನಿಲ್ಲಲು ಆ ಗುಬ್ಬಿಯನ್ನು ಆಳುವ ಪರಮಾತ್ಮನನ್ನು ಅರ್ಥಾತ್ ಗೋವಿಂದನನ್ನು ಸ್ಮರಿಸಿ ಎಂದು ಇಲ್ಲಿ ತಿಳಿಸಿ ಹೇಳಿದ್ದಾರೆ. 

ಗೋ - ಎಂದರೆ ಸಾಮಾನ್ಯ ಅರ್ಥ ಹಸು, ಹಾಗೆಯೇ ಗೋ ಅಂದರೆ  ವೇದಗಳು, ಆಕಾಶ, ಭೂಮಿ ಇತ್ಯಾದಿ ಅರ್ಥಗಳಿಂದ ಇವೆಲ್ಲವನ್ನು ಆಳುವವನು ಶ್ರೀಹರಿ ಎನ್ನುವ ಅರ್ಥದಿಂದ ಗೋವಿಂದ ಎಂದು ಸ್ತುತಿಮಾಡಿ ಎಂದು ಹೇಳ್ತಿದ್ದಾರೆ.

ಗಿಳಿಯು ಪಂಜರದೊಳಿಲ್ಲ ಎನ್ನುವ ಶ್ರೀಮತ್ಪುರಂದರದಾಸಾರ್ಯರ ಕೃತಿಯಲ್ಲಾದರೂ 

ಕೆಂಪುಮೂಗಿನ ಹಕ್ಕಿ  ಎನ್ನುವ ಶ್ರೀ ಕನಕದಾಸಾರ್ಯರ ಕೃತಿ ಯಲ್ಲಾದರೂ ನಾವು ಜೀವನನ್ನು ಗಿಳಿಪದದಿಂದ, ಹಕ್ಕಿಗಳಿಂದ ಹೋಲಿಸಿದ್ದನ್ನು ನಾವು ಕಾಣುತ್ತೇವೆ.

ಈ ದೇಹದಲ್ಲಿ ಜೀವವಿರುವವರೆಗೂ ನಮ್ಮನ್ನಾಳುವ ಪರಮಾತ್ಮ ನಮ್ಮ ಮೇಲೆ ಸದಾ ಅನುಗ್ರಹ ತೋರಿ ನಮ್ಮಲ್ಲಿನ ಎಲ್ಲ ಕಷ್ಮಲಗಳನ್ನು ತೊಲಗಿಸಿ ಪರಿಶುದ್ಧರನ್ನಾಗಿ ಮಾಡಿ ಸದಾ ಆತನ ಪದಗಳಲ್ಲಿ ಸ್ಥಾನವನ್ನು ನೀಡಲಿ ಎಂದು ಭಕ್ತಿಯಿಂದ ಪ್ರಾರ್ಥನೆ ಮಾಡುತ್ತಾ...

 - smt ಪದ್ಮ ಸಿರಿಷ್

ಜೈ ವಿಜಯರಾಯ

ನಾದನೀರಾಜನದಿಂ ದಾಸಸುರಭಿ 🙏🏽

***