ಎಂತಾದರು ಮಾಳ್ಪುದು ಏಕಾದಶಿ ankita venkatachalapati

 ಶ್ರೀಯುತ ತುಪಾಕಿ ವೆಂಕಟರಮಣಾಚಾರ್ಯ ಅವರ ರಚನೆ 

ಎಂತಾದರು ಮಾಳ್ಪುದು ಏಕಾದಶಿ

ಇಂಥಾ ವ್ರತವದಾವುದು

ಕಂತುಜನಕ ಲಕ್ಷ್ಮೀಕಾಂತನೊಲಿದು ನಿರ್ಮ-

ಲಾಂತಃಕರಣದಿ ನಲಿವ ಮಹಾಂತ ಪದವನೀಪ 

ಪ.

ಕೋಟಿ ಕೋಟಿ ಜನ್ಮದ ಪಾತಕಗಳ

ಕೋಟಲೆ ಬಿಡಿಸುವುದು

ಆಟ ಪಾಟಗಳಿಂದಲಾದರು ನಿದ್ರೆಯ

ದಾಟಲು ದುರಿತ ಮಹಾಟವಿ ದಹಿಸುವ 

1

ಹತ್ತೊಂದು ಕರಣದಿಂದ ಘಳಿಸಿದ ನಿ-

ವತ್ರ್ಯ ಪಾತಕಗಳಿಂದ

ನಿತ್ಯ ನರಕದೊಳಗೊತ್ತೆಗೊಳಿಪರ ಮೇ-

ಲೆತ್ತಿ ರಕ್ಷಿಪ ಪರಮೋತ್ತಮ ವ್ರತವನ್ನು 

2

ವರುಷದೊಳೊಂದಾದರು ಮಾಡಲು ಸರ್ವ

ಪುರುಷಾರ್ಥಗಳೀವುದು

ಸರಸಿಜನಾಭ ಶ್ರೀವೆಂಕಟಾಚಲಪತಿ

ಕರುಣಾಸ್ಪದವಾದ ಹರಿದಿನ ವ್ರತವನ್ನು 

3

***