" ಶ್ರೀ ಪ್ರಸನ್ನ ಶ್ರೀನಿವಾಸ ದಾಸರ ಕಣ್ಣಲ್ಲಿ ಶ್ರೀ ಶನಿ ಮಹಾತ್ಮ "
ಪಾಹಿ ಶ್ರೀ ನರಸಿಂಹ ಪ್ರಿಯ -
ಶನೈಶ್ಚರನೆ ನಮೋ ಸಂತತ ।
ಪಾಹಿ ನಮೋ ಗ್ರಹರಾಜಶೌರಿ -
ಮಹೇಶ್ವರನೇ ಕೃಪಾಕರ ।। ಪಲ್ಲವಿ ।।
ಪೃಥ್ವೀ ತತ್ತ್ವಾಭಿಮಾನಿಯೇ ನಮೋ -
ಕರ್ಮಪನು ಎಂಬ ಪುಷ್ಕರನು ।
ಮತ್ತು ಅಜಾನಜರು ಋಷಿ -
ಗಂಧರ್ವ ಮಹಾ ಸಮುದಾಯಕೆ ।।
ಮೇದಿನಿ ರಾಜರು ಮನುಷ್ಯರೂ -
ಸರ್ವರಿಗೂ ಗುರು ಈಶ್ವರ ।
ನೀ ದಯದಿ ಹರಿದಾಸರನ್ನ -
ಸಲಹುತಿಯೋ ಶರಣೆಂಬೆ ।। ಚರಣ ।।
ಸೂರ್ಯ ಛಾಯಾ ಸೂನು -
ಕಾಲ ರೂಪಿ ಮಹಾ ಗ್ರಹ ನಮೋ ।
ಕಾಯೋ ಜಟಿಲನೇ ವಜ್ರ ರೋಮನೆ -
ದಾನವರಿಗೆ ಭಯಂಕರ ।।
ತ್ರಯಂಬಕ ನಾರದರಿಗುಪದೇಶ -
ಕೊಂಡಾಡಿದ ನಿನ್ನನ್ನು ।
ಖ್ಯಾತ ರಘುವಂಶೋತ್ಥ ಅತಿ । ವಿ ।
ಖ್ಯಾತ ದಶರಥ ಕೀರ್ತಿತ ।। ಚರಣ ।।
ಜ್ಞಾನ ಚಕ್ಷುರ್ನಮಸ್ತೇಸ್ತು -
ಕಶ್ಯಪಾತ್ಮಜ ಸೂನವೇ ।
ತುಷ್ಟೋದದಾಸಿ ವೈರಾಜ್ಯ೦ -
ರುಷ್ಟೋ ಹರಸಿ ತಕ್ಷಣಾತ್ ।।
ನಿನ್ನನ್ನು ದಶರಥನು ಸ್ತುತಿಸಿ -
ನಮಿಸೆ ವರಗಳನಿತ್ತು ನೀ ।
ಕ್ಷೋಣಿ ಜನ ಸಂರಕ್ಷಣೆಗೆ ಬಗೆ -
ಪಾದ್ಮ ಉಕ್ತದಿ ಅರುಹಿದಿ ।। ಚರಣ ।।
ಗಂಗಾ ಮಹಿಮ ರಕ್ಷೋ ಭುವನ -
ಪ್ರಸ್ಥಾನೋಕ್ತವು ತ್ವತ್ ಕೃತ ।
ತುಂಗ ಮಹಿಮ ಶ್ರೀ ಲಕ್ಷ್ಮೀ -
ಭೂಮಾ ನಾರಸಿಂಹನ ಸ್ತೋತ್ರವು ।।
ರಾಘವ ಕೃತ ತ್ವತ್ ಕೃತ ಈ -
ನುಡಿಗಳ್ ಪಠಿಸಿ ಕೇಳ್ವರ್ಗೆ ।
ಶೋಕನೀಗಿ ಇಷ್ಟ ಲಭಿಸುವುದು -
ನೃಹರಿ ಪ್ರಿಯ ನೀ ಒದುಗುವಿ ।। ಚರಣ ।।
ವರಹುಹಾಸನನ ತಾತ -
ಪ್ರಸನ್ನ ಶ್ರೀನಿವಾಸ ನೃಕೇಸರಿ ।
ಘನ್ನ ದಯದಿ ಪ್ರಸನ್ನನಾಗಿ -
ಒಲಿಯೆ ಸಾಧನವಾಗುವ ।।
ಜ್ಞಾನ ಭಕ್ತಿ ವೈರಾಗ್ಯ ಸಂಪತ್ -
ಆಯುರಾರೋಗ್ಯ ಇತ್ತು ನೀ ।
ಎನ್ನ ತಪ್ಪುಗಳ ಮನ್ನಿಸಿ -
ಎನ್ನ ಪಾಹಿ ಸತತ ಶನೈಶ್ಚರ ।। ಚರಣ ।।
****
